નવીદિલ્હી, કોંગ્રેસ પાર્ટીએ લોક્સભા ચૂંટણીને ધ્યાનમાં રાખીને રાયબરેલી અને અમેઠી બેઠકો માટે તેના ઉમેદવારોના નામ જાહેર કર્યા છે અને આજે ઉમેદવારીપત્રક પણ ભરી દીધા છે. કોંગ્રેસ પાર્ટીએ રાહુલ ગાંધીને રાયબરેલીથી પોતાના ઉમેદવાર બનાવ્યા છે. પાર્ટીએ કેએલ શર્માને અમેઠી લોક્સભા સીટથી પોતાનો ઉમેદવાર બનાવ્યા છે. રાહુલ ગાંધી શુક્રવારે જ ઉમેદવારી પત્ર ભર્યું છે આ દરમિયાન તેમની સાથે કોંગ્રેસ પાર્ટીના વરિષ્ઠ નેતાઓ હાજર રહ્યાં હતાં
અમેઠીમાંથી રાહુલ ગાંધીના લોક્સભા ચૂંટણી લડવાની જાહેરાત થતાની સાથે જ ભાજપે રાહુલ ગાંધી પર આકરા પ્રહારો શરૂ કરી દીધા છે. આ દરમિયાન કોંગ્રેસના પૂર્વ નેતા આચાર્ય પ્રમોદ કૃષ્ણમે રાહુલ ગાંધી વિશે કહ્યું કે રાહુલ ગાંધીએ અમેઠીથી ચૂંટણી લડવી જોઈતી હતી. અમેઠીથી ભાગી જવાથી કોંગ્રેસના કાર્યર્ક્તાઓ અને સમગ્ર દેશને સંદેશ જશે કે તે વ્યક્તિ જે પીએમ નરેન્દ્ર મોદીને દરરોજ પડકાર આપતો હતો. દરરોજ તેઓ પોતાના કોંગ્રેસ કાર્યર્ક્તાઓ અને દેશની જનતાને કહેતા હતા કે ડરશો નહીં, તેઓ પોતે ડરી ગયા. મને લાગે છે કે આ કોંગ્રેસની કમનસીબી છે.
દરમિયાન બર્ધમાન પહોંચેલા પીએમ નરેન્દ્ર મોદીએ રાહુલ ગાંધીના રાયબરેલીથી ચૂંટણી લડવા અંગે કહ્યું કે મેં પહેલા જ કહ્યું હતું કે રાહુલ ગાંધી બે જગ્યાએથી ચૂંટણી લડશે. આ સાથે તેણે એમ પણ કહ્યું કે શહેજાદે વાયનાડ સીટ હારી જશે. મેં કહ્યું હતું કે તેમના સૌથી મોટા નેતા ચૂંટણી લડવાની હિંમત નહીં કરે. તે ડરીને ભાગી જશે અને તે રાજસ્થાન ભાગી ગઈ અને રાજ્યસભામાં આવી. મેં પહેલેથી જ કહ્યું હતું કે શહેજાદે વાયનાડમાં હારી જવાના છે અને હારના ડરને કારણે વાયનાડમાં મતદાન પૂરું થતાં જ તે બીજી સીટ શોધવાનું શરૂ કરશે. પીએમ મોદીએ કહ્યું કે રાહુલ ગાંધી એટલા ડરી ગયા છે કે તેઓ અમેઠીથી ભાગીને રાયબરેલીનો રસ્તો શોધી રહ્યા છે.