નવીદિલ્હી, મણિપુરના ચુરાચંદપુરમાં ટોળા દ્વારા કુકી-ઝોમી સમુદાયની બે મહિલાઓની નગ્ન પરેડ અને યૌન શોષણના મામલામાં સીબીઆઇએ મોટો ખુલાસો કર્યો છે. સીબીઆઈએ ચાર્જશીટમાં કોર્ટને કહ્યું છે કે નગ્ન પરેડ અને યૌન ઉત્પીડન પહેલા બંને મહિલાઓ પોલીસ જીપ્સી સુધી પહોંચવામાં સફળ રહી હતી… પરંતુ જીપ્સી ડ્રાઈવરે તેમને કહ્યું કે તેની પાસે કારની ચાવી નથી. પોલીસે બંને મહિલાઓને તેમની પોતાની હાલતમાં ત્યાં છોડી દીધી અને કહ્યું કે ત્યાં કોઈ નથી એટલે કે તેઓ જોખમમાં નથી.
સીબીઆઈની ચાર્જશીટ મુજબ, બંને મહિલાઓએ પોલીસને વિનંતી કરી હતી કે તેઓ તેમને વાહનમાં સુરક્ષિત સ્થાને લઈ જાય. પોલીસ જિપ્સીમાં અન્ય બે પુરૂષ પીડિતો પણ બેઠા હતા. ચાર્જશીટમાં કહેવામાં આવ્યું છે કે જિપ્સી સિવાય તમામ પોલીસકર્મીઓ સ્થળ પરથી નીકળી ગયા હતા. આ પછી મોટી ભીડ ત્યાં પહોંચી અને મહિલાઓને જીપ્સીમાંથી બહાર કાઢી. ટોળા દ્વારા મહિલાઓને છીનવી લેવામાં આવી હતી અને પરેડ કરવામાં આવી હતી અને તેમની સાથે જાતિય હુમલો કરવામાં આવ્યો હતો.આ મામલો ૩ મે ૨૦૨૩નો છે.