શહેરા,શહેરા તાલુકાના વાઘજીપુર પેટ્રોલપંપ નજીક રોડ ઉપરથી પસાર થતાં એક્ટિવા ચાલક પોતાનુ વાહન પુરઝડપે હંકારી લાવી રોડ ઉપર સ્લિપ ખવડાવી દેતા માથાના ભાગે ગંભીર ઈજાઓ પહોંચતા સ્થળ ઉપર મોત નીપજયું હતુ. જયારે પાછળ બેઠેલ વ્યકિતને નાની-મોટી ઈજાઓ થવા પામી હતી.
પ્રાપ્ત માહિતી અનુસાર શહેરા તાલુકાના વાઘજીપુર પેટ્રોલપંપ નજીક રોડ ઉપરથી પસાર થતી એક્ટિવા નં.જીજે-17-બીકયુ-5679ના ચાલક શૈલેષભાઈ રૂપસિંહ બારીયા(ઉ.વ.33)એ પુરઝડપે પોતાનુ વાહન હંકારતા હોય અને રોડ ઉપર સ્લિપ ખાઈ જતાં ચાલક શૈલેષભાઈ બારીયાને માથાના ભાગે ગંભીર ઈજાઓ થતાં ધટના સ્થળે મોત નીપજયું હતુ. જયારે પાછળ બેઠેક સક્ષમ કુમાર જશવંતસિંહ બારીયાને નાની-મોટી ઈજાઓ થવા પામી હતી. આ બાબતે શહેરા પોલીસ મથકે ફરિયાદ નોંધાવવા પામી છે.