વોશિગ્ટન, યુએસ સ્થિત બેંકિંગ ફર્મ જેપી મોર્ગન ચેઝના હેડ જેમી ડિમોને પીએમ મોદીના વખાણ કર્યા છે. તેમણે વડા પ્રધાન નરેન્દ્ર મોદીની પ્રશંસા કરી, વસ્તીના મોટા વર્ગને ગરીબીમાંથી બહાર કાઢવામાં સરકારની સિદ્ધિઓની નોંધ લીધી. ડિમોન ઇકોનોમિક ક્લબ ઓફ ન્યૂયોર્ક દ્વારા આયોજિત લંચમાં બોલી રહ્યા હતા. તેમણે કહ્યું, ‘મોદીએ ભારતમાં અવિશ્ર્વસનીય કામ કર્યું છે. હું જાણું છું કે અહીં ઉદારવાદી પ્રેસે તેમની ભારે ટીકા કરી છે. તેમણે ૪૦ કરોડ લોકોને ગરીબીમાંથી બહાર કાઢ્યા છે. તેમણે ગરીબી નાબૂદી, ઈન્ફ્રાસ્ટ્રક્ચર ડેવલપમેન્ટ અને નોકરશાહી સુધારામાં પીએમ મોદીના પ્રયાસોને પ્રકાશિત કર્યા.
તેમણે આગળ કહ્યું, ‘ઘણા અમેરિકન અધિકારીઓ ભારત વિશે કલ્પના કરે છે. આપણે કેવી રીતે વિચારી શકીએ કે તેઓએ તેમનો દેશ કેવી રીતે ચલાવવો જોઈએ? મોદી પડકારોનો હિંમતપૂર્વક સામનો કરી રહ્યા છે. તેમણે કહ્યું, ‘કેટલાક દેશોની સરકારો ક્લાઈમેટ ચેન્જ અને મજૂર અધિકારો પર પીએમ મોદીની ટીકા કરે છે. આમ છતાં ભારતમાં લાખો લોકો પાસે શૌચાલય જેવી મૂળભૂત બાબતો નથી. ડિમોને આગળ કહ્યું, ‘તેઓએ આ અદ્ભુત ટ્રેન્ડ શરૂ કર્યો જેમાં દરેક નાગરિકને હાથ, આંખ કે આંગળીથી ઓળખવામાં આવે છે.’ અહીં તેઓ આધાર વિશે વાત કરી રહ્યા છે, જેની ઓળખ માટે આંખો અને હાથનું સ્કેન જરૂરી છે.
ડિમોને પીએમ મોદીની વધુ પ્રશંસા કરતા કહ્યું કે, ‘તેમણે ૭૦ કરોડ લોકોના બેંક ખાતા ખોલાવ્યા છે, જેમાં ડાયરેક્ટ ટ્રાન્સફર થઈ રહ્યું છે. ભારતની શિક્ષણ પ્રણાલી અને ઈન્ફ્રાસ્ટ્રક્ચર નોંધપાત્ર છે, એકંદરે સુધારો થઈ રહ્યો છે. પરંતુ કઠોર અમલદારશાહીને તોડવા માટે તમારે સખત બનવું પડશે, અને તે તે (મોદી) કરી રહ્યા છે. તેણે આગળ કહ્યું, ‘અમને પણ અમેરિકામાં આવું જ કંઈક જોઈએ છે.’ વિશ્લેષકનું માનવું છે કે ડિમોન ઈશારા દ્વારા કહી રહ્યા છે કે અમેરિકામાં પણ પીએમ મોદી જેવા નેતા ચોક્કસપણે છે.