સ્પેન, સ્પેનના વડાપ્રધાન પેડ્રો સાંચેઝની પત્ની પર ભ્રષ્ટાચારનો આરોપ લાગ્યો છે. આ પછી પીએમ સાંચેઝે તેમના તમામ સરકારી કામકાજ બંધ કરી દીધા છે અને કહ્યું છે કે તેમને રોકીને વિચારવાની જરૂર છે. પીએમ સાંચેઝે સંકેત આપ્યા છે કે તેઓ રાજકારણ પણ છોડી શકે છે. પીએમ સાંચેઝની પત્ની બેગોના ગોમેઝ વિરુદ્ધ ન્યાયિક તપાસ શરૂ થઈ ગઈ છે.
સમાજવાદી નેતા સાંચેઝે કહ્યું કે તેમની પત્ની પરના આરોપો ખોટા છે. જોકે, તેમણે સોમવાર સુધી તેમની તમામ જાહેર જવાબદારીઓ નિભાવવાનું બંધ કરી દીધું છે. સોમવારે તે મીડિયા સમક્ષ હાજર થશે અને પોતાના રાજકીય ભવિષ્યને લઈને મોટી જાહેરાત કરી શકે છે. સાંચેઝે સોશિયલ મીડિયા પર શેર કરેલી પોસ્ટમાં લખ્યું છે કે ’મારે થોડીવાર રોકાઈને વિચારવાની જરૂર છે. મારે સરકારનું નેતૃત્વ કરવાનું ચાલુ રાખવું જોઈએ કે આ સન્માન છોડવું જોઈએ તે પ્રશ્ર્નનો જવાબ મારે તાત્કાલિક શોધવાની જરૂર છે.
પીએમ પેડ્રો સાંચેઝ જાહેર જવાબદારીઓ નિભાવી રહ્યા નથી અને લોકોની નજરથી પણ દૂર છે. પેડ્રો સાંચેઝે માનોસ લિમ્પિયાસ નામના યુનિયન દ્વારા તેની પત્ની ગોમેઝ સામે આરોપો દાખલ કર્યા છે. આ યુનિયન કાનૂની બાબતો માટે એક મંચ તરીકે પણ કામ કરે છે અને વ્યવસાયિક સોદાઓને પ્રભાવિત કરવામાં પણ તેની ભૂમિકા છે. આ સંઘના નેતા મિગુએલ બર્નાર્ડ રેમન છે, જે જમણેરી નેતા છે. સ્પેનમાં કાયદો એવો છે કે કોઈપણ વ્યક્તિ ભ્રષ્ટાચારનો કેસ દાખલ કરી શકે છે, ભલે તે ભ્રષ્ટાચારના કેસમાં સીધો સંડોવાયેલ ન હોય. આરોપો બાદ ગોમેઝ સામેના આરોપોની તપાસ શરૂ કરી દેવામાં આવી છે. જો કે આ અંગેની માહિતી આપવામાં આવી નથી. સ્પેનના ન્યાય પ્રધાન ફેલિક્સ બોલાનોસે પણ ગોમેઝ સામેના આરોપોને ખોટા ગણાવ્યા છે.