ઝાલોદ, નગરમાં મતદાન 100% થાય તે માટે ચૂંટણી કમિશનર દ્વારા મતદાન વધુમાં વધુ કરાવવા માટે નગરપાલિકાના સહયોગથી આજે હનુમાન જન્મોત્સવના દિવસે મંદિરે એક સેલફી પોઈન્ટ મૂકવામાં આવ્યો હતો. આજે હનુમાન જન્મોત્સવ હોવાથી આ મંદિરે અંદાજીત 12000 થી વધુ દર્શનાર્થીઓ મંદિરે દર્શન કરવા આવતા હોય છે. તેથી મતદાતા પોતાના મતનો અચૂક ઉપયોગ કરે અને સાથે સાથે બીજાને પણ મતદાન કરવા જાગૃત કરે તે માટે નગરપાલિકા દ્વારા સુંદર આયોજન કરવામાં આવ્યું હતું. દર્શનાર્થીઓ માટે પણ આ નવો અનુભવ જોવા મળ્યો હતો. તેમજ આવતા જતા દર્શનાર્થીઓ મતદાન અચૂક કરીશ તે માટે મુકેલ સેલ્ફી પોઈન્ટ સાથે ફોટોગ્રાફ પાડતા જોવા મળ્યા હતા.