ગોધરા, તા. 24/04/2024 ના રોજ ગોધરા શહેરમાં સંત નિરંકારી ચેરિટેબલ ફાઉન્ડેશન (સંત નિરંકારી મિશનનું સામાજીક વિભાગ) દ્વારા સંત નિરંકારી સત્સંગ ભવન, ભુરાવાવ રોડ, ગોધરા ખાતે રક્તદાન શિબિર નું આયોજન કરવામાં આવ્યું. જેમાં મિશનના અને ગોધરા શહેર તેમજ ગોધરાની આજુબાજુના ગામના અનેક નાગરિકોએ નિસ્વાર્થ ભાવથી રક્તદાન કર્યું. જેમાં 300 થી વધુ રક્ત યુનિટ એકત્રિત કરવામાં આવ્યું. રક્ત એકત્રિત કરવા માટે ઇન્ડિયન રેડ ક્રોસ સોસાયટી,ગોધરાની ટીમ ઉપસ્થિત રહી હતી.
આ શિબિરનું ઉદ્દઘાટન દાહોદ ઝોનના ઝોનલ ઇન્ચાર્જ ભુપેન્દ્રભાઈ ગડરિયાના કર કમલો દ્વારા કરવામાં આવ્યું જેમાં ગોધરા બ્રાન્ચના સંયોજક અજયભાઈ ઈસરાનીજી તથા ગોધરા બ્રાન્ચના બહેન વિદ્યાબેનજી ઉપસ્થિત રહ્યા હતા. દાહોદ ઝોનના ઝોનલ ઇન્ચાર્જ એ રક્તદાન શિબિરમાં ભાગ લેનાર તમામ રક્તદાતાઓનું પ્રોત્સાહન વધારી અને જન કલ્યાણને સમર્પિત તેમની નિસ્વાર્થ સેવા અને બહુમૂલ્ય યોગદાનની પ્રશંસા કરી. આવેલ તમામ રક્તદાતાઓ તથા આવેલ અતિથિગણ અને ડોકટરોની સાથે આવેલ એમની ટીમની હૃદયપૂર્વક બધાનું આભાર પ્રગટ કર્યું.
એમને જણાવ્યું કે, 1986માં યુગદ્રષ્ટા બાબા હરદેવસિંહજી મહારાજ દ્વારા શરૂ કરાયેલ આ પરોપકારનું આ અભિયાન આજે એક મેગા અભિયાનના રૂપમાં તેની ટોચ પર છે.માનવજાતના કલ્યાણ માટે આજ સુધી 8,129 રક્તદાન શિબિરોમાં અત્યાર સુધીમાં 13,33,906 થી વધુ યુનિટ રક્તનું દાન કરવામાં આવ્યું છે અને આ સેવાઓ અવિરતપણે ચાલુ છે.