મહીસાગર જીલ્લામાં મહત્તમ મતદાન થાય તે માટે રીક્ષા રેલી થકી મતદાર જાગૃતિ કાર્યક્રમ યોજાયો

• નિવાસી અધિક કલેક્ટર સી વી લટાના હસ્તે કલેકટર કચેરી કમ્પાઉન્ડ ખાતેથી રિક્ષારેલીને લીલી ઝંડી આપવામાં આવી.

મલેકપુર,લોકસભા સામાન્ય ચુંટણી 7 મી મે નાં રોજ યોજાનાર છે ત્યારે જીલ્લા કલેકટર નેહા કુમારી નાં માર્ગદર્શન હેઠળ વિવિધ કાર્યક્રમો થકી જીલ્લામાં મહત્તમ મતદાન થાય તે માટે પ્રયત્ન કરવામાં આવી રહ્યા છે.

ત્યારે આજ રોજ નિવાસી અધિક કલેક્ટર સી વી લટાના હસ્તે લુણાવાડા કલેકટર કચેરી કમ્પાઉન્ડ ખાતેથી અંદાજીત 200 થી વધુ રિક્ષારેલીને લીલી ઝંડી આપવામાં આવી હતી આ રેલી લુણાવાડા નાં વિવિધ વિસ્તારોમાં ફરી મતદાન જાગૃતિ સંદેશો પ્રસરાવશે સાથે રિક્ષા ચાલકો પણ મતદાન જાગૃતિ અભિયાનમાં જોડાઈ જે કોઈ પેસેન્જર તેમની રિક્ષામાં મુસાફરી કરશે તેમણે 7 મે ના દિવસે અચૂક મતદાન કરવા જાગૃત કરવામાં આવશે. આ ઉપરાંત રિક્ષા ચાલકોએ અચૂક મતદાનના શપથ લીધા હતા.

આ કાર્યક્રમમાં નાયબ જીલ્લા ચૂંટણી અધિકારી એમ.એસ.મનાત, જીલ્લા ગ્રામ વિકાસ એજન્સી નિયામક સી એન ભાભોર, પ્રાંત અધિકારી આનંદ પાટીલ, જીલ્લા શિક્ષણ અધિકારી નૈલેશ મુનિયા, જીલ્લા પ્રાથમિક શિક્ષણ અધિકારી અવનીબા મોરી સહિત સંબંધિત અધિકારીઓ ઉપસ્થિત રહ્યા હતા.