ગોધરા,ગોધરા તાલુકાના કાંકણપુર નજીક અદા રાઠોડના મુવાડા ગામે ડામર રોડ ઉપર ફરિયાદી પોતાની પોૈત્રી સાથે ચાલતા જઈ રહ્યા હતા ત્યારે ઈકો ગાડીના ચાલકે પોતાનુ વાહન પુરઝડપે હંકારી લાવી 8 વર્ષિય બાળકીને અડફેટમાં લઈ ઈજાઓ પહોંચાડી નાસી જઈ ગુનો કર્યાની ફરિયાદ કાંકણપુર પોલીસ મથકે નોંધાવવા પામી છે.
પ્રાપ્ત માહિતી અનુસાર ગોધરા તાલુકાના કાંકણપુર નજીક અદા રાઠોડના મુવાડા પાસે રોડ પર રમણભાઈ શંકરભાઈ પરમારએ પોૈત્રી છાયાબેન જગદીશભાઈ પરમાર(ઉ.વ.8)સાથે ચાલતા જઈ રહ્યા હતા ત્યારે ઈકો ગાડી નં.જીજે-17-સીઈ-4716ના ચાલકે પોતાનુ વાહન ગફલતભરી રીતે હંકારી લાવી 8 વર્ષિય બાળકીને અડફેટમાં લઈ હાથે પગે ફ્રેકચર કરી માથાના ભાગે ઈજાઓ પહોંચાડતા દવા સારવાર માટે ખસેડાઈ હતી. જયારે અકસ્માત સર્જનાર ઈકો ગાડી ચાલક નાસી છુટતા આ બાબતે કાંકણપુર પોલીસ મથકે ફરિયાદ નોંધાવવા પામી છે.