નવીદિલ્હી, હોંગકોંગ અને સિંગાપોરમાં ખાદ્ય નિયમનકારોએ લોકોને બે મોટી મસાલા બ્રાન્ડની ચાર પ્રોડક્ટ્સનો ઉપયોગ કરવા સામે ચેતવણી આપી છે ત્રણ એમડીએચની અને એક એવરેસ્ટની. તેમાં ઇથિલિન ઓક્સાઈડનું પ્રમાણ ખૂબ જ વધારે હોય છે, જે કેન્સર જેવી જીવલેણ બીમારીઓનું કારણ બની શકે છે. ઇન્ટરનેશનલ એજન્સી ફોર રિસર્ચ ઓન કેન્સર એ ઇથિલિન ઓક્સાઇડને “ગ્રુપ ૧ કાસનોજેન” તરીકે વર્ગીકૃત કર્યું છે.
તેની વેબસાઇટ પર પોસ્ટ કરાયેલા નિવેદનમાં, હોંગકોંગના ફૂડ રેગ્યુલેટરી ઓથોરિટી સેન્ટર ફોર ફૂડ સેટીએ જણાવ્યું હતું કે એમડીએચના ત્રણ મસાલા ઉત્પાદનો મદ્રાસ કરી પાવડર, સંભાર મસાલા અને કરી પાવડર મિશ્ર મસાલા પાવડર, તેમજ એવરેસ્ટ ફિશ કરી મસાલા. “જંતુનાશક, ઇથિલિન ઓક્સાઇડ” સમાવે છે. એમડીએચ અને એવરેસ્ટ ફૂડ્સ બંનેએ હજુ સુધી ફૂડ રેગ્યુલેટરના દાવાઓ પર ટિપ્પણી કરવાની બાકી છે. તેની નિયમિત તપાસના ભાગરૂપે, સીએફએસએ હોંગકોંગના ત્રણ રિટેલ આઉટલેટ્સમાંથી ઉત્પાદનો લીધા. “પરીક્ષણના પરિણામો દર્શાવે છે કે નમૂનાઓમાં જંતુનાશક, ઇથિલિન ઓક્સાઇડ છે,” સીએફએસના પ્રવક્તાએ જણાવ્યું હતું. નિયમનકારે વિક્રેતાઓને “વેચાણ બંધ કરવા અને ઉત્પાદનોને દૂર કરવા” નિર્દેશ આપ્યો. તેણે કહ્યું કે ઉત્પાદનો પાછા બોલાવવામાં આવ્યા છે.
સીએફએસના પ્રવક્તાએ જણાવ્યું હતું કે, જંતુનાશકો ધરાવતો ખોરાક માનવ વપરાશ માટે ત્યારે જ વેચી શકાય છે જો ખોરાકનો વપરાશ જોખમી અથવા સ્વાસ્થ્ય માટે પ્રતિકૂળ ન હોય. તેમાં વધુમાં વધુ ઇં૫૦,૦૦૦નો દંડ અને દોષિત ઠરે તો છ મહિનાની જેલની સજા થઈ શકે છે.”
દરમિયાન, સિંગાપોર ફૂડ એજન્સીએ પણ એવરેસ્ટ ફિશ કરી મસાલાને “નિર્ધારિત મર્યાદાઓથી વધુ” ઇથિલિન ઓક્સાઇડની સામગ્રીને કારણે પરત બોલાવવાનો આદેશ આપ્યો હતો એસએફએએ જણાવ્યું હતું કે, “ઇથિલિન ઓક્સાઇડના નીચા સ્તરો ધરાવતો ખોરાક ખાવાથી તાત્કાલિક કોઈ ખતરો નથી, પરંતુ લાંબા ગાળાના સંપર્કમાં રહેવાથી સ્વાસ્થ્ય સમસ્યાઓ થઈ શકે છે. શક્ય તેટલો ઓછો ઉપયોગ કરવો જોઈએ”. તે એવા લોકોને પણ સલાહ આપે છે કે જેમણે ઉત્પાદનો ખરીદ્યા છે “તેનું સેવન ન કરવું”, અને જેઓને વપરાશ પછી તેમના સ્વાસ્થ્ય વિશે ચિંતા હોય તેઓએ “ડૉક્ટરની સલાહ લેવી” જોઈએ. યુએસ એન્વાયર્નમેન્ટલ પ્રોટેક્શન એજન્સી અનુસાર, “ઇથિલિન ઓક્સાઇડ મનુષ્યમાં કેન્સરનું કારણ બને છે”.