રાંચી, છત્તીસગઢના સીએમ વિષ્ણુ દેવ સાઈએ કહ્યું કે માઓવાદીઓ લોક્સભાની ચૂંટણીને પ્રભાવિત કરવાનો હેતુ ધરાવે છે. આ વખતે તેઓ કોઈ મોટો ગુનો કરવાનો પ્રયાસ કરી રહ્યા હતા, જેને જવાનોએ નિષ્ફળ બનાવ્યો હતો. કેન્દ્રીય ગૃહમંત્રી અમિત શાહનો ઉદ્દેશ્ય બસ્તરને નક્સલ મુક્ત બનાવવાનો છે.
છત્તીસગઢના નક્સલ પ્રભાવિત કાંકેર જિલ્લામાં સુરક્ષા દળોએ એક્ધાઉન્ટરમાં ૨૯ નક્સલવાદીઓને ઠાર કર્યા હતા. આ ઘટનામાં ત્રણ જવાનો પણ ઘાયલ થયા છે. સીએમ વિષ્ણુ દેવ સાઈએ કાંકેરના જંગલમાં એક્ધાઉન્ટરને ઐતિહાસિક સફળતા ગણાવી. તેમણે કહ્યું કે આ અત્યાર સુધીની સૌથી મોટી સફળતા છે. હું આ માટે સૈનિકોને અભિનંદન આપું છું, છત્તીસગઢના ઈતિહાસમાં આ સૌથી મોટી સફળતા છે.
માઓવાદીઓ લોક્સભાની ચૂંટણીને પ્રભાવિત કરવાનો હેતુ ધરાવતા હતા. આ વખતે તેઓ કોઈ મોટો ગુનો કરવાનો પ્રયાસ કરી રહ્યા હતા, જેને જવાનોએ નિષ્ફળ બનાવ્યો હતો. કેન્દ્રીય ગૃહમંત્રી અમિત શાહનો ઉદ્દેશ્ય બસ્તરને નક્સલ મુક્ત બનાવવાનો છે. નક્સલવાદીઓ સાથે વાતચીત અંગે સીએમ વિષ્ણુદેવ સાઈએ કહ્યું કે અમારા ગૃહમંત્રીએ વારંવાર કહ્યું છે કે વીડિયો કોન્ફરન્સિંગ દ્વારા ચર્ચા થઈ શકે છે. સીએમ હોવાના નાતે હું એ પણ કહેવા માંગુ છું કે અમે શાંતિ મંત્રણા માટે તૈયાર છીએ. તેમને પણ ન્યાય અપાશે.
કવર્ધામાં પૂર્વ સીએમ ભૂપેશ બઘેલના નિવેદન પર પ્રતિક્રિયા આપતા સીએમ વિષ્ણુદેવે કહ્યું કે દરેક વસ્તુ પર પ્રશ્ર્નાર્થ ચિહ્ન ઉભા કરવું યોગ્ય નથી, સજકલ સ્ટ્રાઈક અને એરસ્ટ્રાઈકને કાલ્પનિક ગણાવી, આ ઘટના તેમના જ રાજ્યની છે, તે કેવી રીતે સવાલો ઉઠાવી શકે છે. ? જો આ ઘટના નકલી છે તો સાબિત કરો, પુરાવા આપો.