નવીદિલ્હી, ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (ડીઆરડીઓ) દ્વારા સ્વદેશી રીતે ડિઝાઇન કરવામાં આવેલી અને વિક્સાવવામાં આવેલી મેન પોર્ટેબલ એન્ટિ-ટેન્ક ગાઇડેડ મિસાઇલ (એમપીએટીજીએમ) વેપન સિસ્ટમનું વિવિધ ફ્લાઈટ કન્ફિગરેશનમાં ઘણી વખત ફિલ્ડ મૂલ્યાંકન કરવામાં આવ્યું છે, જેનો ઉદ્દેશ ટેકનોલોજીને ઉચ્ચ શ્રેષ્ઠતા સાથે સાબિત કરવાનો છે. આ સિસ્ટમમાં એમપીએટીજીએમ, લોન્ચર, ટાર્ગેટ એક્વિઝિશન સિસ્ટમ અને ફાયર કન્ટ્રોલ યુનિટનો સમાવેશ થાય છે.
જનરલ સ્ટાફ ક્વૉલિટીકલ રિક્વાયરમેન્ટ્સ (ઇન્ફન્ટ્રી, ઇન્ડિયન આર્મી)માં નિર્ધારિત સંપૂર્ણ ઓપરેશનલ કવરનું પાલન કરવા માટે પર્યાપ્ત સંખ્યામાં મિસાઇલ ફાયરિંગ પરીક્ષણો સફળતાપૂર્વક હાથ ધરવામાં આવ્યા છે. ૧૩ એપ્રિલ, ૨૦૨૪ના રોજ રાજસ્થાનના પોખરણ ફિલ્ડ ફાયરિંગ રેન્જમાં વોરહેડ ફ્લાઈટ ટ્રાયલ્સ સફળતાપૂર્વક હાથ ધરવામાં આવી હતી. મિસાઇલની કામગીરી અને વોરહેડની કામગીરી નોંધપાત્ર હોવાનું જણાયું હતું.
એમપીએટીજીએમની ટેન્ડેમ વોરહેડ સિસ્ટમની પેનિટ્રેશન ટ્રાયલ્સ સફળતાપૂર્વક પૂર્ણ કરવામાં આવી છે અને તે આધુનિક બખ્તર સંરક્ષિત મેઇન બેટલ ટેન્કને હરાવવા માટે સક્ષમ હોવાનું જણાયું છે. એટીજીએમ સિસ્ટમ દિવસ/રાત અને ટોચની હુમલાની ક્ષમતાથી સજ્જ છે. ડ્યુઅલ મોડ સીકની કાર્યક્ષમતા એ ટેક્ધ યુદ્ધ માટેની મિસાઇલ ક્ષમતામાં એક મહાન મૂલ્ય સંવર્ધન છે. આ સાથે, તકનીકી વિકાસ અને સફળ નિદર્શન સમાપ્ત થઈ ગયું છે અને સિસ્ટમ હવે અંતિમ વપરાશર્ક્તા મૂલ્યાંકન પરીક્ષણો માટે તૈયાર છે, જે ભારતીય સૈન્યમાં તેનો સમાવેશ તરફ દોરી જાય છે.
સંરક્ષણ મંત્રી રાજનાથ સિંહે આ સિસ્ટમના સફળ પરીક્ષણ માટે ડીઆરડીઓ અને ભારતીય સેનાની પ્રશંસા કરી છે અને તેને આધુનિક ટેકનોલોજી આધારિત સંરક્ષણ પ્રણાલીના વિકાસમાં આત્મનિર્ભરતા પ્રાપ્ત કરવાની દિશામાં એક મહત્વપૂર્ણ પગલું ગણાવ્યું છે.સંરક્ષણ સંશોધન અને વિકાસ વિભાગના સચિવ અને ડીઆરડીઓના અધ્યક્ષ ડો.સમીર વી કામતે પણ ટ્રાયલ સાથે સંકળાયેલી ટીમોને અભિનંદન પાઠવ્યા હતા.