દાહોદ,દાહોદ શહેરના કસ્બા વિસ્તારમાં જાહેરમાં ખુલ્લી જગ્યામાં પત્તા પાના વડે પૈસાથી રમાતા હારજીતના જુગારના અડ્ડા પર પોલીસે ઓચિંતો છાપો મારતાં જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે જુગાર રમી રહેલા 4 જુગારીઓને ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂા.15,780ની રોકડ રકમ કબજે કર્યાનું જાણવા મળે છે.
દાહોદ શહેર પોલીસને મળેલ બાતમીના આધારે ગત તા.14મી એપ્રિલના રોજ દાહોદ શહેરના કસ્બા ચામડાની વખાર પાસે પાના પત્તા વડે પૈસાથી રમાતા હારજીતના જુગારના અડ્ડા પર ઓચિંતો છાપો માર્યો હતો. પોલીસને જોઈ જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે જુગાર રમી રહેલા સલમાન જાકિર હુસેન શેખ, અમજતખાન મજીતખાન મરહુમ, રફિક રશીદભાઈ મુંડા અને એહમદ રસુલભાઈ મલેકનાઓને ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂપીયા 15,780ની રોકડ કબજે કરી આ સંબંધે દાહોદ શહેર પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.