કાલોલ,ચૈત્ર મહિનામાં પવિત્ર નોરતા ચાલી રહ્યા છે ત્યારે પંચમહાલ જીલ્લાના કાલોલ ગામ ખાતે કનોજીયા સમાજ ના કુળદેવી ફુલમતી માતાના મંદિરે નવચંડી યજ્ઞ કરવામાં આવ્યો.તથા સમાજના યુવાનો અને યુવતીઓ સમાજમાં જીવન સાથી પસંદ કરે તે હેતુસર પરિચય મેળાનું પણ આયોજન કરવામાં આવ્યું હતું. તેમાં કાલોલ ધારાસભ્ય ફતેસિંહ ચૌહાણ સમાજના વડીલો, યુવાનો, મહિલાઓ હાજર રહ્યા હતા. સમાજના આગેવાનો સમાજ ઉત્તરો ઉત્તર પ્રગતિ કરે અને આગળ વધે તથા દેશની પ્રગતિમાં સહભાગી બને તે માટે હકારાત્મક વિચારો સાથે શિક્ષણ, વ્યસનમુક્તિ અને કુરિવાજો વિશે સમજ આપી હતી. સમાજમાં ડોક્ટરની ડિગ્રી પ્રાપ્ત કરી સમાજ સેવા કરનારા પ્રતિષ્ઠિત ડોક્ટરનું સન્માન કરવામાં આવ્યું હતું. સાથે સાથે સમાજના પત્રકારો, પોલીસ, શિક્ષકો તેમજ વિવિધ સરકારી પદ શોભાવનારા અધિકારી કર્મચારીઓનું સન્માન કર્યું હતું
આ યજ્ઞના કાર્યક્રમ બાદ સમાજમાં અવિવાહિત યુવકો તથા યુવતીઓ માટે સામૂહિક તથા પરિવારિક સંમેલન યોજવામાં આવ્યુ હતુ. સમાજના આગેવાનો દ્વારા જીવનસાથીની પસંદગી કરવાની સુવર્ણ અને ઉત્તમ તક પૂરી પાડવામાં આવી હતી. જેમાં તમામ યુવક-યુવતીઓનો બાયોડેટા જાહેરમાં જણાવવામાં આવ્યો હતો.
સમાજના અગ્રણીઓ અને તમામ લોકોએ ફૂલમતિમાતાનો યજ્ઞ- હવન કરી આશીર્વાદ પ્રાપ્ત કર્યા હતા, અને પ્રસાદ લીધો હતો.