બાલાસિનોર,બાલાસિનોર તાલુકાના પાંડવા ખાતે સર્વોદય સેવા સંઘ સંચાલિત વી. ડી માયાવાંશી વિધાલયનો મહીસાગર જીલ્લામાં શ્રેષ્ઠ શાળા તરીખે પસંદગી પામી છે જ્યારે શાળાને પુરસ્કારની રકમ પણ આપવામાં આવી છે.
પ્રાપ્ત વિગતો અનુસાર 2023-24ના વર્ષમાં જીલ્લા કક્ષાએ તેમજ રાજ્ય કક્ષાએ શ્રેષ્ઠ શાળા તરીકે ઉપસી આવવા પ્રેરાય તે માટે અને પ્રોત્સાહક ઇનામ આપવા અંગે ઇડીએન-18માં ચાલુ બાબત તરીકે બજેટ જોગવાઈ કરવામાં આવેલ છે. જે અન્વયે મહીસાગર જીલ્લા કક્ષાની શ્રેષ્ઠ શાળાઓમાં બાલાસિનોર તાલુકાના પાંડવા ખાતે સ્થિત વી.ડી.માંયાવંશી અને મોઘીબા ગાયત્રી વિદ્યાલય, લાડવેલ શાળા દીઠ 1 લાખ રૂપિયા પ્રોત્સાહક ઇનામ તરીકે ચુકવવા માટેની ગ્રાન્ટ આપવામાં આવી હતી. આ પ્રસંગે વી.ડી. માયાવંશી વિદ્યાલયના ટ્રસ્ટી યોગેશભાઈ અમીન અને આચાર્ય જીતેન્દ્રકુમાર અમીનને જીલ્લા શિક્ષકગણ અને અધિકારીઓએ અભિનંદન પાઠવ્યા હતા.