સુરત, સુરતમાં એક બેન્ક મેનેજરે નજીવી બાબતે આપઘાત કરી લેતા શોકનું મોજુ ફરી વળ્યું છે. ઘટનાસ્થલેથી પોલીસને સ્યુસાઈડ નોટ મળી છે પરંતુ આપઘાતનું ચોક્કસ કારણ હજીસુધી જાણવા મળ્યું નથી. આ અંગે પોલીસે અકસ્માત મોતનો ગુનો નોંધીને વધુ તપાસ હાથ ધરી છે.
આ બનાવની વિગત મુજબ સુરતના કાપોદ્રામાં બેન્ક મેનેજર તરીકે કામ કરતા રાકેશ નવાપરિયાએ ગળાફાંસો ખાઈ લઈને આત્મહત્યા કરી હતી. આ અંગે પોલીસને જાણ કરતા પોલીસે ઘટનાસ્થલે આવીને મૃતદેહ પોસ્ટમોર્ટમ માટે મોકલી આપ્યો હતો. પોલીસે મૃતકે લખેલી એક સ્યુસાઈડ નોટ કબજે કરી છે.
જેમાં બેક્ધ મેનેજર રાકેશ નવાપરિયાએ જણાવ્યું છે કે સોરી ભાઈ હું માનસિક રીતે એટલો પડી ભાંગ્યો હતો કે મારે આ પગલું ભરવું પડે છે. તે સિવાય તેમણે પરિવારના સભ્યોને યાદ કરીને તમામને જયશ્રી ક્રિશ્ર્ના લખ્યું હતું. તે સિવાય તેમણે પરિવારની જાણ માટે પોતાના અન્ય બેક્ધના ખાતાની વિગતો પણ લખી હતી.
કોઈ ભૂલને કારણે તેમણે આ પગલું ભર્યું હોવાનું કહેવાય છે. જોકે આપઘાતનું ચોક્કસ કારણ હજી જાણી શકાયું નથી, એમ પોલીસનું કહેવું છે. હાલમાં પોલીસે અકસ્માત મોત નોંધીને વધુ તપાસ હાથ ધરી છે