અમદાવાદ, અત્યાર સુધીના જૂના આંકડા મુજબ સામાન્ય રીતે એપ્રિલમાં માત્ર ૧ થી ૩ દિવસ જ હીટવેવ રહેવાની શક્યતા છે. જો કે આ વખતે ૨ થી ૮ દિવસ હીટવેવ રહેવાનો અંદાજ છે.સાત તબક્કામાં યોજાનારી સામાન્ય ચૂંટણીઓ વચ્ચે આ વખતે હવામાન વિભાગે પણ તીવ્ર ગરમીની આશંકા વ્યક્ત કરી છે. ભારતીય હવામાન વિભાગે જણાવ્યું હતું કે આ વખતે એપ્રિલથી જૂન વચ્ચે ૧૦ થી ૨૦ દિવસની ગરમીની સંભાવના છે, જ્યારે આ ત્રણ મહિનામાં ગરમીના મોજાની સંખ્યા ૪ થી ૮ ની વચ્ચે રહે છે.આઇએમડીએ ઉનાળાની આગાહીનો અહેવાલ જાહેર કર્યો.
જેમાં વિભાગે જણાવ્યું હતું કે દેશના મય અને પશ્ર્ચિમી રાજ્યોમાં એપ્રિલથી જૂન દરમિયાન મહત્તમ ગરમી પડવાની સંભાવના છે. આ ગરમીના દિવસોની સંખ્યામાં વધારો કરી શકે છે. આ દરમિયાન પૃથ્વી વિજ્ઞાન મંત્રી કિરેન રિજિજુએ કહ્યું કે પ્રથમ તબક્કાના મતદાન બાદ ગરમીનું પ્રમાણ વધવા લાગશે.
સામાન્ય ચૂંટણીઓને ધ્યાનમાં રાખીને, નેશનલ ડિઝાસ્ટર મેનેજમેન્ટ ઓથોરિટીએ પહેલાથી જ મતદાન કરવા જઈ રહેલા લોકો માટે એડવાઈઝરી જારી કરી દીધી છે. અત્યાર સુધીમાં ૨૦૦ થી વધુ જિલ્લાઓએ હીટ એક્શન પ્લાન પણ તૈયાર કર્યા છે. બાકીના જિલ્લાઓ પણ આ દિશામાં કામ કરી રહ્યા છે. જો હવામાન વિભાગની આગાહી સાચી હોય તો ભારે ગરમીના કારણે નેતાઓની જાહેર સભાઓમાં ભેગી થતી ભીડ ઘટી શકે છે.
હવામાન વિભાગના મહાનિર્દેશક ડૉ.એમ.મહાપાત્રાએ જણાવ્યું હતું કે, અત્યાર સુધીના જૂના આંકડા મુજબ સામાન્ય રીતે એપ્રિલમાં માત્ર ૧ થી ૩ દિવસ જ હીટવેવ રહેવાની શક્યતા છે. જો કે આ વખતે ૨ થી ૮ દિવસ હીટવેવ રહેવાનો અંદાજ છે. આવી સ્થિતિ દેશના લગભગ તમામ મેદાની વિસ્તારોમાં થઈ શકે છે. સૌથી વધુ ભય ગુજરાત, મય મહારાષ્ટ્ર, ઉત્તર કર્ણાટક, મય પ્રદેશ, ઉત્તર છત્તીસગઢ, ઓડિશા અને આંધ્ર પ્રદેશમાં છે. હવામાન વિભાગે જણાવ્યું હતું કે એક સપ્તાહ બાદ દેશના મોટાભાગના વિસ્તારોમાં તાપમાનમાં ૨-૩ ડિગ્રીનો વધારો થવાની સંભાવના છે. મહાપાત્રાએ જણાવ્યું હતું કે પશ્ર્ચિમ હિમાલય પ્રદેશ, ઉત્તરપૂર્વીય રાજ્યો અને ઉત્તર ઓડિશાના ભાગોમાં મહત્તમ તાપમાન સામાન્ય અથવા સામાન્ય કરતાં ઓછું રહેવાની શક્યતા છે. તે જ સમયે, એપ્રિલમાં, દેશના મોટાભાગના ભાગોમાં મહત્તમ તાપમાન સામાન્ય કરતાં વધુ રહેવાની સંભાવના છે અને તે મય દક્ષિણ ભારતમાં રહેવાની વધુ સંભાવના છે. મહાપાત્રાએ જણાવ્યું હતું કે એપ્રિલમાં મહત્તમ તાપમાન પશ્ર્ચિમ હિમાલય ક્ષેત્ર અને ઉત્તરપૂર્વીય રાજ્યોના ભાગોમાં સામાન્ય અથવા સામાન્ય કરતાં ઓછું રહેવાની અપેક્ષા છે.
આઇએમડી એ પણ કહ્યું કે મધ્યપ્રદેશ સિવાય, ઘઉં ઉત્પાદક રાજ્યોમાં ૭ એપ્રિલ સુધી કોઈ હીટ વેવ ચેતવણી નથી. મહાપાત્રાએ જણાવ્યું હતું કે મધ્યપ્રદેશ માં હાલમાં તાપમાન ૩૭-૪૦ ડિગ્રી સેલ્સિયસની આસપાસ છે અને આગામી સપ્તાહે તે ૪૨ ડિગ્રી સુધી પહોંચે તેવી શક્યતા છે. રાજ્યમાં ઘઉંની લણણીનું ૯૦ ટકા કામ પૂર્ણ થઈ ગયું હોવાથી કોઈ અસર થશે નહીં.
તેમણે કહ્યું કે તાપમાન ૩૫ ડિગ્રી સેલ્સિયસથી ઉપર જશે તો પણ પંજાબ, હરિયાણા અને ઉત્તર પ્રદેશમાં તેની કોઈ અસર નહીં થાય. હકીક્તમાં, ૨૦૨૨ માં દેશમાં ગરમીના મોજાની શરૂઆતની અસરથી ભારતમાં ઘઉંના ઉત્પાદનને અસર થઈ હતી, જેના કારણે વિશ્ર્વના બીજા સૌથી મોટા ઘઉં ઉત્પાદક દેશને નિકાસ પર પ્રતિબંધ મૂકવો પડ્યો હતો.
હવામાન વિભાગે જણાવ્યું કે પશ્ર્ચિમ બંગાળના દક્ષિણી જિલ્લાઓમાં ૫ એપ્રિલ સુધી ગરમીનું મોજું રહેવાની શક્યતા છે. પુરુલિયા, બાંકુરા, પશ્ર્ચિમ બર્ધમાન, પશ્ર્ચિમ મિદનાપુર અને ઝારગ્રામ જિલ્લામાં ૩-૫ એપ્રિલ સુધી હીટવેવની સ્થિતિની અપેક્ષા છે. આ વિસ્તારમાં ફૂંકાતા સૂકા પશ્ર્ચિમી પવનોને કારણે આવી સ્થિતિ સર્જાઈ રહી છે. આ સમયગાળા દરમિયાન તાપમાન ૩૪ ડિગ્રી સેલ્સિયસથી ઉપર રહેવાની ધારણા છે. તે જ સમયે, આગામી ત્રણ દિવસ દરમિયાન, દક્ષિણ બંગાળમાં મહત્તમ દિવસના તાપમાનમાં ૨ થી ૪ ડિગ્રી સેલ્સિયસનો વધારો થવાની સંભાવના છે.