ગોધરા,ગોધરા સાયન્સ કોલેજ રોડ પથ્થર તલાવડી વિસ્તારના સગીરને મહિલા સહિત ત્રણ ઈસમો દ્વારા ચેઈન તોડવાનો આક્ષેપ કરી જીવલેણ હુમલો કરવામાં આવતા આ બાબતે એ ડીવીઝન પોલીસ મથકે ફરિયાદ નોંધાવા પામી છે. સમગ્ર ધટના સીસી ટીવીમાં કેદ થઈ છે.
ગોધરા અંકલેશ્ર્વર મહાદેવ રોડ ઉપર આવેલ ભોઈવાડામાં રહેતા દિપકભાઇ નવનીતભાઇ ભોઈનો 15 વર્ષીય પુત્ર સાર્થકની ધો.10ની પરીક્ષા પુરી થયેલ ત્યારે હોળીના દિવસે મોપેર લઈને આંટો મારવા નિકળેલ હતો. ત્યારે સાયન્સ કોલેજ રોડ ઉપર ર્ડા. પ્રિયંકા અરવિંદ મન્હાસ, નુપેસ ઉર્ફે મોન્ટુ શૈલેષભાઇ પંડયા, નિલેશ ઉપાધ્યાય ત્રણ ઈસમોએ સગીર સાર્થકને રોકયો હતો અને મારમાર્યો હતો. તેમજ માથુંં મોપેડ સાથે પછાડીને ઈજાઓ પહોંચાડી હતી. જેને લઈ સાર્થકના પિતા દિપકભાઇ દોડી આવ્યા હતા અને મારવાનું કારણ પુછતા પ્રિયંકા મન્હાની ચેઈન તોડવાનો પ્રયાસ કર્યાનો આક્ષેપ કર્યો હતો. સાર્થકે આવું કંઈ કર્યું નથી. તેમ કહેલ હતુંં તેમજ ત્રણ ઈસમો દ્વારા સગીર બાળકને મારમારતાં સીસી ટીવી ફુટેજ વાયરલ થયા છે. આ બાબતે ગોધરા એ ડીવીઝન પોલીસ મથકે ફરિયાદ નોંધાવા પામી છે.