રાજકોટ,સૌરાષ્ટ્રમાં લોક્સભા ચૂંટણીમાં રાજકોટમાં ભાજપના ઉમેદવાર પુરૂષોતમ રૂપાલાએ વાલ્મીકી સમાજના એક કાર્યક્રમમાં અંગ્રેજ શાસન સામે મારો રૂબી સમાજ લડયો હતો પણ રાજવીઓ અંગ્રેજોને શરણે થયા હતા અને તેમની સાથે રોટી-બેટીનો વ્યવહાર કર્યો હતો તેવા કરેલા વિધાનોથી સૌરાષ્ટ્રમાં સમગ્ર ક્ષત્રિય સમુદાયમાં આગ લાગી છે પુરુષોતમ રૂપાલાની માફીને પણ ફગાવીને અનેક દેખાવોમાં રાજકોટમાં ઉમેદવાર બદલવાની માંગ થઈ છે.
આ ચુંટણીમાં ભાજપે ક્ષત્રિયોને એક પણ લોક્સભા બેઠક પર ટિકીટ આપી નહી. ભાવનગરમાં ભૂતકાળમાં ક્ષત્રિય સમાજના અનેક અગ્રણીઓ જેમાં ભાજપના રાજેન્દ્રસિંહ રાણાનો પણ સમાવેશ થાય છે.
તેઓને બે-બે વખત સાંસદ અને પ્રદેશ પ્રમુખ બનાવ્યા હતા. આમ ભાવનગર એક બેઠક પર રાજકીય પક્ષો આ સમુદાયને ટિકીટ આપી શકે છે પરંતુ જે રીતે રૂપાલાના નિવેદનનામા તેની સામે રાજકોટ-સુરેન્દ્રનગરમાં વ્યાપક વિરોધ થયા છે ડેમેજ કંટ્રોલમાં ભાજપના ક્ષત્રિય અગ્રણીઓએ પણ હાથ નાખવાની ’ના’ કરી દીધી હોવાના સંકેત છે તથા ભાવનગર બેઠક જયાં ક્ષત્રિય સમુદાયની મોટી વસતિ છે ત્યાં પણ આ વિધાનોની અસર થઈ શકે છે.