અયોધ્યા: અયોધ્યા રામ મંદિરમાં રોજ હજારો ભક્તો દર્શન કરવા માટે હોય છે. જેમની સુરક્ષા માટે અહીં મોટી સંખ્યામાં સુરક્ષા જવાનો પણ તહેનાત હોય છે. જો કે તાજેતરમાં જ રામ મંદિરના પરિસરમાં ફરજ બજાવતા એક પીએસી જવાનને ગોળી વાગવાની ઘટના સામે આવી છે. અયોધ્યામાં શ્રી રામ જન્મભૂમિ સંકુલમાં તૈનાત પીએસી જવાનને શંકાસ્પદ સંજોગોમાં ગોળી વાગી હતી.
ઇજાગ્રસ્ત સૈનિકને તાત્કાલિક હોસ્પિટલમાં દાખલ કરવામાં આવ્યો છે, જ્યાં તેની હાલત ગંભીર જણાતા તેને લખનૌ ટ્રોમા સેન્ટરમાં રિફર કરવામાં આવ્યો છે. અયોધ્યામાં શ્રી રામ જન્મભૂમિ સંકુલમાં તૈનાત પીએસી જવાનને શંકાસ્પદ સંજોગોમાં ગોળી વાગી હતી. કહેવામાં આવી રહ્યું છે કે ૩૨ બટાલિયન પીએસીના કમાન્ડો પોતાના હથિયાર છદ્ભ-૪૭ સાફ કરી રહ્યા હતા. તે જ સમયે ભૂલથી એક ગોળી નીકળી હતી, જે પીએસી જવાનની છાતીમાંથી નીકળી ગઈ હતી.
ઘટનાની માહિતી મળતા જ ઘટનાસ્થળે પહોંચેલા અયોધ્યા રેન્જ પ્રવીણ કુમારે જણાવ્યું કે, ફાયરિંગ કરાયેલી ગોળી આકસ્મિક રીતે જવાનની છાતીમાંથી પસાર થઈ હતી. જોકે એ સ્પષ્ટ નથી થયું કે ગોળી જવાનના હથિયારમાંથી ચલાવવામાં આવી હતી કે અન્ય કોઈ સાથીદારના હથિયારમાંથી. આ અંગે તપાસ કરવામાં આવી રહી છે.પ્રાથમિક રીતે મળેલી માહિતી અનુસાર પીએસી જવાનનું નામ રામ પ્રસાદ (૫૩) છે. તેઓ શ્રી રામ જન્મભૂમિ સંકુલની સુરક્ષામાં તહેનાત હતા. મંગળવારે સાંજે અચાનક તેને ગોળી વાગી હતી. છાતીમાં ગોળી વાગ્યા બાદ તેમના સાથીદારોએ જવાન રામ પ્રસાદને ઉતાવળમાં ડિવિઝનલ હોસ્પિટલમાં દાખલ કર્યા હતા, પરંતુ તેમની સ્થિતિ ગંભીર જોઈને ડૉક્ટરોએ રામ પ્રસાદને લાઈફ સપોર્ટ સિસ્ટમ સાથે લખનૌ ટ્રોમા સેન્ટરમાં રીફર કર્યા હતા.
ઇજાગ્રસ્ત કમાન્ડો રામ પ્રસાદ અમેઠીનો રહેવાસી છે, જ્યારે તેનો પરિવાર લખનૌમાં રહે છે. તે ૩૨મી કોર્પ્સ પીએસીમાં પોસ્ટેડ હતા. હાલમાં તેને ગોળી કેવી રીતે વાગી તેની ચોક્કસ માહિતી ઉપલબ્ધ નથી. હાલમાં માહિતી મળ્યા બાદ આઇજી અયોધ્યા રેન્જ પ્રવીણ કુમાર,એસએસપી અયોયા સહિત તમામ પોલીસ અધિકારીઓ પહોંચી ગયા હતા. પોલીસ અધિકારીઓ સાથી સૈનિકોની પૂછપરછ કરી રહ્યા છે.
અયોયા રેન્જના આઇજી પ્રવીણ કુમારે જણાવ્યું કે ફાયરિંગ કરાયેલી ગોળી આકસ્મિક રીતે જવાનની છાતીમાંથી પસાર થઈ હતી. ઘાયલ સૈનિકને ગંભીર હાલતમાં લખનૌ ટ્રોમા સેન્ટરમાં રીફર કરવામાં આવ્યો છે. સૈનિકની સાથે સ્થળ પર તહેનાત અન્ય સૈનિકોની પૂછપરછ કરવામાં આવી રહી છે. હજુ સુધી એ જાણી શકાયું નથી કે સૈનિકે પોતે ગોળી ચલાવી હતી કે અન્ય કોઈ સાથીદારે ગોળી ચલાવી હતી. તપાસ બાદ જ સ્થિતિ સ્પષ્ટ થશે.