હૈદરાબાદ, તમિલ ફિલ્મોમાં પોતાના દમદાર અભિનયથી છાપ છોડનાર અભિનેતા અજિત કુમારની ચાહકોની મજબૂત સંખ્યા છે. તેમની ફિલ્મો સિનેમાઘરોમાં રિલીઝ થતાની સાથે જ લોકપ્રિય બની જાય છે. અભિનેતાના વીડિયો અને તસવીરો પણ સોશિયલ મીડિયા પર વાયરલ થતા રહે છે. હાલમાં જ તમિલ સુપરસ્ટારનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં અજીત કુમાર રસ્તાના કિનારે ઉભા રહીને બિરયાની બનાવતા જોવા મળે છે,
જે વીડિયો સામે આવ્યો છે તેમાં તમે જોઈ શકો છો કે અજિત રસ્તાના કિનારે ગેસ સળગાવે છે. તે એક મોટી તપેલીમાં બિરયાની બનાવી રહ્યો છે. તેની સાથે અન્ય ઘણા લોકો પણ જોવા મળી રહ્યા છે. તેમની સાથે અન્ય ઘણા લોકો પણ ગેસના ચૂલા પર બિરયાની બનાવવામાં વ્યસ્ત જોવા મળે છે. અજિત પૂરા દિલથી બિરયાની તૈયાર કરતો જોવા મળે છે. અજીતનો આ વીડિયો જોઈને ચાહકો આશ્ર્ચર્યચક્તિ થઈ ગયા છે. લોકો તેની સ્ટાઈલને ખૂબ પસંદ કરી રહ્યા છે અને તેની ખૂબ ચર્ચા થઈ રહી છે.
અજીત કુમારનો આ વાયરલ વીડિયો તેમની બાઇક ટ્રીપ દરમિયાન સામે આવ્યો હતો. આ સફર દરમિયાન તે ઘણી વખત રસોઈ બનાવતો જોવા મળ્યો હતો. આ દિવસોમાં તે પોતાના મિત્રો સાથે ખાસ પળો વિતાવી રહ્યો છે. તે ટૂંક સમયમાં જ તેની ફિલ્મનું શૂટિંગ શરૂ કરવાની તૈયારી કરી રહ્યો છે. અજીત કુમારે પોતાની ફિલ્મના શૂટિંગ પહેલા જ આ બ્રેક લીધો છે. આ વિડીયો ઉપરાંત આ બાઇક ટ્રીપમાંથી અજીત કુમારની ઘણી તસવીરો પણ સામે આવી છે.
વર્ક ફ્રન્ટની વાત કરીએ તો તે વર્ષ ૨૦૨૩માં આવેલી ફિલ્મ ’થુનિવુ’માં જોવા મળ્યો હતો, જે વધારે કમાલ કરી શકી નહોતી. હવે તે વિદા મુયાર્ચી ફિલ્મમાં જોવા મળશે. તેનું શૂટિંગ શરૂ થવાનું છે. ચાહકોને આ ફિલ્મ પાસેથી ઘણી અપેક્ષાઓ છે