નવીદિલ્હી, રાજસ્થાન સરકાર દ્વારા સીએએ વિરુદ્ધ સુપ્રીમ કોર્ટમાં દાખલ કરવામાં આવેલી અરજી પાછી ખેંચી લેવામાં આવી છે. તમને જણાવી દઈએ કે સીએએ વિરુદ્ધ સુપ્રીમ કોર્ટમાં ઘણી અરજીઓ દાખલ કરવામાં આવી છે. રાજસ્થાન સરકારે પણ તેમાંથી એક અરજી દાખલ કરી હતી પરંતુ હવે તેણે તેને પાછી ખેંચી લીધી છે. સીએએ કેસમાં રાજસ્થાન સરકારનો આ મોટો નિર્ણય છે. રાજસ્થાન સરકારના એડિશનલ એડવોકેટ જનરલ શિવમંગલ શર્મા વતી સીએએ વિરુદ્ધ દાખલ કરવામાં આવેલી અરજી પાછી ખેંચવા માટે સુપ્રીમ કોર્ટમાં અરજી દાખલ કરવામાં આવી છે.
તમને જણાવી દઈએ કે ૧૧ માર્ચે કેન્દ્ર સરકારે નાગરિક્તા સંશોધન અધિનિયમ ૨૦૧૯ એટલે કે સીએએનું નોટિફિકેશન બહાર પાડ્યું છે. હવે આ કાયદો સમગ્ર દેશમાં લાગુ કરવામાં આવ્યો છે. CAA એ પાકિસ્તાન, બાંગ્લાદેશ અને અફઘાનિસ્તાનના બિન-મુસ્લિમ શરણાર્થીઓને ભારતીય નાગરિક્તા મેળવવાનો માર્ગ મોકળો કર્યો છે. સંસદે ૧૧ ડિસેમ્બર ૨૦૧૯ ના રોજ સીએએને મંજૂરી આપી હતી અને તે લગભગ ૪ વર્ષ પછી અમલમાં આવી હતી.
આ પછી આ રિપોર્ટ પર વિચાર કરવામાં આવ્યો. ત્યારબાદ જરૂરી સુધારા કર્યા બાદ ગૃહમંત્રી અમિત શાહે ૯ ડિસેમ્બર ૨૦૧૯ના રોજ લોક્સભામાં આ બિલ રજૂ કર્યું હતું. ૧૧ ડિસેમ્બર, ૨૦૧૯ ના રોજ, રાજ્યસભામાં નાગરિક્તા સંશોધન બિલ ૨૦૧૯ની તરફેણમાં ૧૨૫ અને તેની વિરુદ્ધમાં ૯૯ મત પડ્યા હતા. તેને ૧૨ ડિસેમ્બર ૨૦૧૯ના રોજ રાષ્ટ્રપતિની મંજૂરી મળી હતી. પરંતુ ભારે વિરોધ વચ્ચે તેનો અમલ થઈ શક્યો નથી.
સીએએને દેશમાં એનઆરસી એટલે કે રાષ્ટ્રીય નાગરિક્તા રજિસ્ટર બનાવવાના માર્ગ તરીકે જોવામાં આવતું હતું. લોકોને ડર હતો કે મોટી સંખ્યામાં લોકોને વિદેશી ઘૂસણખોરો તરીકે ઓળખાવીને બહાર ફેંકી દેવામાં આવશે. પડોશી દેશ બાંગ્લાદેશમાં આશંકા વ્યક્ત કરવામાં આવી હતી કે સીએએ પછી એનઆરસી લાગુ થવાથી મોટી સંખ્યામાં બાંગ્લાદેશી શરણાર્થીઓ ત્યાં પાછા ફરશે.