મુંબઇ, કોંગ્રેસના નેતા અને પૂર્વ ક્રિકેટર નવજોત સિંહ સિદ્ધુ આગામી લોક્સભા ચૂંટણીથી દૂર રહી શકે છે અને ઈન્ડિયન પ્રીમિયર લીગમાં કોમેન્ટ્રી કરતા જોવા મળશે. સ્ટાર સ્પોર્ટ્સે એકસ પર સિદ્ધુ વિશે પોસ્ટ કર્યું છે. સિદ્ધુ વિશે માહિતી આપતા સ્ટાર સ્પોર્ટ્સે લખ્યું, મહાન નવજોત સિંહ સિદ્ધુ અમારી સ્ટારકાસ્ટ સાથે જોડાયા છે. આઇપીએલ-૨૦૨૪ ૨૨ માર્ચથી શરૂ થઈ રહી છે.
નવજોત સિંહ સિદ્ધુએ અગાઉ પત્નીની નાદુરસ્ત તબિયતને કારણે લોક્સભાની ચૂંટણી લડવાનો ઈક્ધાર કરી દીધો હતો. કોંગ્રેસ પટિયાલાથી નવજોત સિંહ સિદ્ધુને મેદાનમાં ઉતારવાની તૈયારી કરી રહી હતી, પરંતુ નવજોત સિંહ સિદ્ધુએ કેન્સરથી પીડિત તેમની પત્નીની સારવાર અને તેમની ખરાબ તબિયતને કારણે લોક્સભાની ચૂંટણી લડવાનો ઇનકાર કર્યો હતો.
આ દરમિયાન એવા સમાચાર પણ આવ્યા કે સિદ્ધુનો પંજાબ કોંગ્રેસના નેતૃત્વ સાથે વિવાદ ચાલી રહ્યો છે. એવી પણ અફવા હતી કે તેઓ ફરીથી ભાજપમાં જોડાશે. અફવાઓ પર, સિદ્ધુની ટીમે કહ્યું કે તેઓ કોંગ્રેસ અને રાહુલ ગાંધી, પ્રિયંકા ગાંધીની સાથે મજબૂત રીતે ઉભા છે. અટકળો વચ્ચે, નવજોત સિંહ સિદ્ધુએ ઠ પર તેમના હેન્ડલ પર રાહુલ ગાંધી અને પ્રિયંકા ગાંધી સાથેની તેમની જૂની તસવીર ફરીથી પોસ્ટ કરી હતી. આ પોસ્ટ નવજોત સિંહ સિદ્ધુ દ્વારા ૩ એપ્રિલ ૨૦૨૩ ના રોજ કરવામાં આવી હતી જ્યારે તેઓ રોડવેઝ કેસમાં ૧ વર્ષની સજા ભોગવીને જેલમાંથી બહાર આવ્યા હતા અને રાહુલ અને પ્રિયંકા ગાંધીને મળવા ગયા હતા. આ પોસ્ટમાં તેણે રાહુલ ગાંધીને પોતાના માર્ગદર્શક ગણાવ્યા હતા.
પંજાબ કોંગ્રેસ સંગઠન દ્વારા નવજોત સિંહ સિદ્ધુ સામે શિસ્તભંગની કાર્યવાહીનો મામલો પણ ઉઠાવવામાં આવ્યો હતો. કોંગ્રેસ હાઈકમાન્ડને પત્ર પણ લખવામાં આવ્યો હતો. નવજોત સિંહ સિદ્ધુએ ઠ પર કાવ્યાત્મક રીતે તે અહેવાલનો જવાબ આપ્યો હતો. સિદ્ધુએ પોતાની પોસ્ટમાં લખ્યું હતું કે હું ઘણીવાર મારી વિરુદ્ધની વાતોને ચૂપચાપ સાંભળું છું. મેં સમયને જવાબ આપવાનો અધિકાર આપ્યો છે.
વાસ્તવમાં, ૧ ફેબ્રુઆરીએ, પંજાબ રાજ્ય ચૂંટણી સમિતિના સભ્ય હોવા છતાં, સિદ્ધુ રાજ્ય કોંગ્રેસના પ્રભારી દેવેન્દ્ર યાદવ દ્વારા બોલાવવામાં આવેલી ચૂંટણી સમિતિની બેઠકમાં આવ્યા ન હતા અને તેની સમાંતર બીજી બેઠક બોલાવી હતી, જેમાં તેણે ત્રણ લોકોને આમંત્રણ પણ આપ્યું હતું.
પંજાબ કોંગ્રેસના ભૂતપૂર્વ પ્રમુખોને બોલાવ્યા. પંજાબ કોંગ્રેસ સંગઠને નવજોત સિંહ સિદ્ધુના ચૂંટણી સમિતિની મહત્વની બેઠક છોડવાના અને સમાંતર બિન-સત્તાવાર બેઠક બોલાવવાના નિર્ણયને શિસ્તભંગ ગણાવ્યો હતો અને નવજોત સિંહ સિદ્ધુ સામે કાર્યવાહી કરવાની માંગ કરી હતી.