નવીદિલ્હી, રવિચંદ્રન અશ્વિને ભારત વિ ઈંગ્લેન્ડ ટેસ્ટ શ્રેણીમાં પોતાના શાનદાર પ્રદર્શન સાથે ખાસ કરીને રમતના સૌથી લાંબા ફોર્મેટમાં ભારતના શ્રેષ્ઠ બોલરોમાંથી એક તરીકે પોતાનો દબદબો બનાવ્યો છે જે થોડા દિવસો પહેલા જ સમાપ્ત થઈ હતી. અન્ય ઉપલબ્ધિઓ ઉપરાંત અશ્વિને રાજકોટમાં ત્રીજી ટેસ્ટ દરમિયાન ટેસ્ટ ક્રિકેટમાં ૫૦૦ વિકેટ લેવાની ઉપલબ્ધિ યાદગાર રીતે પૂર્ણ કરી હતી.
ધર્મશાલા ટેસ્ટ દરમિયાન રવિચંદ્રન અશ્વિને તેની ૧૦૦મી ટેસ્ટ મેચ પણ રમી હતી. આ શાનદાર ઉપલબ્ધિને પૂર્ણ કરવા બદલ તેનું સમ્માન કરવા માટે તમિલનાડુ ક્રિકેટ એસોસિએશને એક કાર્યક્રમમાં અશ્વિનને ૫૦૦ સોનાના સિક્કા, એક સેન્ગોલ અને ખાસ બ્લેઝરથી આપીને સન્માનિત કર્યા હતો. તેમની સિદ્ધિઓ બદલ તેમને ૧ કરોડ રૂપિયા પણ આપવામાં આવ્યા હતા.