ગોધરા,ગોધરાની જાણીતી શેઠ પીટી આર્ટસ એન્ડ સાયન્સ કોલેજ ખાતે આગામી ચૂંટણીને ધ્યાનમાં લઈને મતદાન જાગૃતિ અંગેના કાર્યક્રમનું આયોજન કરવામાં આવ્યું હતું. જેમાં ગોધરા કલેકટર ઓફિસ તરફથી ડેપ્યુટી મામલતદાર વંદનાબેન દરજીની ઉપસ્થિતિ રહી વિદ્યાર્થીઓને- સ્ટાફગણને પ્રોત્સાહિત કર્યા હતા. તેમણે ધર્મ, લોભ કે લાલચ વિના મતદાન કરવાની વિદ્યાર્થીઓને અપીલ કરી હતી. તેમણે મતદાન જાગૃતિનું કામ ખાસ NSS ના વિદ્યાર્થીઓ સારી રીતે કરી શકે છે એ પણ સમજણ આપી હતી.
પ્રથમ વખત મતદાન કરવાવાળા વિદ્યાર્થીઓને ખાસ શુભેચ્છાઓ પાઠવી હતી. આ ઉપરાંત દરેક વિદ્યાર્થીઓએ ઊભા થઈને મતદાન કરવાની પ્રતિજ્ઞા લીધી હતી. કાર્યક્રમના બીજા ભાગમાં ગોધરાના જાણીતા ગાયનેકોલોજિસ્ટ સુજાત વલી એ થેલેસેમિયા અને ઈઙછ અંગે પોતાનું વક્તવ્ય આપ્યું હતું. તેમણે ખાસ મધ્ય ગુજરાતમાં જ્યારે થેલેસેમિયાના દર્દીઓ વધારે છે. ત્યારે થેલેસેમિયા ટેસ્ટિંગ પર જોર આપ્યું હતું. CPR જેવી ટ્રેનિંગ વડે તાત્કાલિક ધોરણે કોઈનો જીવ બચાવી શકાય છે, તે ઉપકરણો અને સાધનોની મદદથી વિદ્યાર્થીઓને પ્રેક્ટીકલ ટ્રેનિંગ દ્વારા સમજણ આપી હતી. કોલેજના આચાર્ય ડો એમ બી પટેલ એ કાર્યક્રમ બદલ ગજજ વિભાગને શુભેચ્છાઓ પાઠવી હતી. કાર્યક્રમમાં હિસ્ટ્રી વિભાગના ડો.સુરેશ ચૌધરી, સાયકોલોજી માંથી ડો કેતન સાચલા સહિતના અધ્યાપકો હાજર રહ્યા હતા.
તદ ઉપરાંત ગત ફેબ્રુઆરીમાં આયોજિત થયેલ વાસાપુર ગામે વાર્ષિક શિબિરમાં જે વિદ્યાર્થીઓએ ભાગ લીધો હતો તેમને પ્રમાણપત્રો આપીને સન્માનિત પણ કરાયા હતા. સમગ્ર કાર્યક્રમનું આયોજન અને સંચાલન ડો રૂપેશ એન નાકર દ્વારા કરવામાં આવ્યું હતું. કાર્યક્રમનું મેનેજમેન્ટ NSS ના ગ્રુપ લીડર વિદ્યાર્થી ભાઈઓ અને બહેનોએ કર્યું હતું. અત્રે ઉલ્લેખનીય છે કે ગોધરાની સાયન્સ કોલેજ દ્વારા લોકજાગૃતિ માટે એનએસએસને માત્ર પ્રવૃત્તિ તરીકે નહીં પરંતુ ઇજભ સેમેસ્ટર-2 માં વેલ્યુ એડેડ કોર્સ તરીકે પણ વિદ્યાર્થીઓ માટે મૂકવામાં આવ્યો છે. જેમાં ઉત્સાહપૂર્વક 200થી વધુ વિદ્યાર્થીઓ જોડાયા હતા.