શહેરા,
સમતા ફાઉન્ડેશનના નેજા હેઠળ મઘ્ય ગુજરાત રોહિત સમાજના આગેવાનોનું નવા વર્ષનું સ્નેહમિલન પોપટપુરા ગણેશ મંદિર ખાતે રાખવામાં આવ્યું હતું. આ પ્રસંગે ઉપસ્થિત સમાજના અગ્રણીઓનું ફુલહાર પહેરાવીને સ્વાગત કરવામાં આવ્યું હતું. આ પ્રસંગે મઘ્ય ગુજરાત રોહિત સમાજના પાંચમા વિદ્યાર્થી સન્માન સમારોહનો હિસાબ રજૂ કરવામાં આવ્યો હતો. સમતા ફાઉન્ડેશનના સંસ્થાપક અને માર્ગદર્શક સુરેશભાઈ દ્વારા સમાજમાં શિક્ષણનો વ્યાપ વધે એ માટે સમાજને આહવાન કર્યું હતું. સમતા ફાઉન્ડેશનના આ વર્ષ માટે નીલેશભાઈ મકવાણાને પ્રમુખ સ્થાને વરણી કરવા સાથે તાલુકા પ્રમુખઓની પણ વરણી કરવામાં આવી હતી. તાજેતરમાં મામલતદાર તરીકે પ્રમોશન પામેલા કે.પી. મકવાણાનું સાલ અને બુકે આપી ને સન્માન કરવામાં આવ્યું હતું. આ પ્રસંગે રોહિત સમાજના આગેવાન ડાહ્યાભાઈ નવાગામ, ભાનુભાઈ, ચંદુભાઈ હાલોલવાળા, રમણભાઈ કોઠંબા, રતિલાલભાઇ કોઠંબાવાળા, જશુભાઇ જોઝ, હરીશભાઈ પાલ્લા એ પ્રાસંગિક પ્રવચન કર્યું હતું. સમાજ માંથી કુરિવાજ નાબૂદી કરીને શિક્ષણનો વ્યાપ વધારવા આહવાન કર્યું હતું.
આ નવા વર્ષને લઈને રાખવામાં આવેલ કાર્યક્રમનું સફળ સંચાલન વિનોદભાઈ અને સુરેશભાઈ એડવોકેટ દ્વારા કરવામાં આવ્યું હતું.