શહેરા,
શહેરા ભાજપ કાર્યાલય ખાતે મોરબીની દુર્ઘટનામાં મૃત્યુ પામેલા લોકોના આત્માને શાંતિ અર્થે શ્રદ્ધાંજલિ અને પ્રાર્થના સભા રાખવામાં આવી હતી. ભાજપ અગ્રણી સહિત ઉપસ્થિત સૌએ મીણબત્તી પ્રગટાવીને બે મિનિટ મૌન પાળીને મોરબી ઝૂલતા પુલની દુર્ઘટનામાં અવસાન પામેલા મૃતકોને શ્રદ્ધાંજલિ આપી હતી.
શહેરાના નાંદરવા ગામ ખાતે ભાજપ અગ્રણી ખાતુભાઈ પગીની ઉપસ્થિતિમાં મોરબીની દુર્ઘટનામાં મૃત્યુ પામેલા લોકોના આત્માને શાંતિ અર્થે શ્રદ્ધાંજલિનો કાર્યક્રમ રાખવામાં આવ્યો હતો. ભાજપ અગ્રણી ખાતુભાઈ પગી સહિત ઉપસ્થિત સૌએ મીણબત્તી પ્રગટાવીને બે મિનિટ મૌન પાળીને મોરબી ઝૂલતા પુલની દુર્ઘટનામાં અવસાન પામેલા મૃતકોને શ્રદ્ધાંજલિ અપાઈ હતી.
મોરબી હોનારતને પગલે પંચમહાલમાં અનેક જગ્યાએ મૃતકોના આત્માની શાંતિ માટે શ્રદ્ધાંજલિ કાર્યક્રમ રાખવામાં આવ્યા હતા. જ્યારે શહેરા ખાતે આમ આદમી પાર્ટીના તખતસિંહ સોલંકી સહિતના કાર્યકરો કાળો ડ્રેસ અને કાળી પટ્ટી ધારણ કરીને કેન્ડલ માર્ચમાં જોડાયા હતા અને મૂર્તકોને શ્રદ્ધાંજલિ આપી હતી.