મુંબઇ, મનીષા કોઈરાલા સંજય લીલા ભણસાલીની ’હીરામંડી’માં જોવા મળશે. ભણસાલી આ વેબ સિરીઝથી ઓટીટીની દુનિયામાં ડેબ્યૂ કરવા જઈ રહ્યા છે. સોનાક્ષી સિન્હા, અદિતિ રાવ હૈદરી, રિચા ચઢ્ઢા, સંજીદા શેખ અને બીજી ઘણી અભિનેત્રીઓ તેમાં જોવા મળી રહી છે. તાજેતરમાં જ મનીષા કોઈરાલાએ ભણસાલી સાથે કામ કરવાનો પોતાનો અનુભવ શેર કર્યો હતો. આ સિરીઝમાં તે લગભગ ૨૮ વર્ષ પછી ભણસાલી સાથે કામ કરી રહી છે.
મનીષા કોઈરાલાએ પહેલીવાર સંજય લીલા ભણસાલી સાથે ફિલ્મ ’ખામોશી- ધ મ્યુઝિકલ’માં કામ કર્યું હતું. વર્ષ ૧૯૯૬માં રિલીઝ થયેલી આ ફિલ્મ ભણસાલીની ડિરેક્ટર તરીકેની પહેલી ફિલ્મ હતી. આ ફિલ્મમાં મનીષા સાથે સલમાન ખાન જોવા મળ્યો હતો. તાજેતરમાં જ મનીષા કોઈરાલાએ ભણસાલી સાથે ફિલ્મ ’ખામોશી’ દરમિયાન અને હવે ’હીરામંડી’માં કામ કરવાનો અનુભવ શેર કર્યો હતો.
મનીષા કોઈરાલાએ સંજય લીલા ભણસાલી સાથે કામ કરવાના અનુભવને અદ્ભુત પ્રવાસ ગણાવ્યો હતો. મનીષા કોઈરાલાએ આગળ કહ્યું, ’અમે બધાએ પોતાનું સર્વશ્રેષ્ઠ આપવાનો પ્રયાસ કર્યો છે, કારણ કે આપણે બધા એક માસ્ટર સાથે કામ કરી રહ્યા છીએ. લાંબા સમય પછી ’ખામોશી’ સાથે કામ કરવું, આનાથી વધુ સારું ન હોઈ શકે. મેં તેમને એક કલાકાર તરીકે વધતા અને વિકસિત જોયા છે. તે દેશના શ્રેષ્ઠ કલાકાર છે. એક મહાન ફિલ્મ નિર્માતા છે. તેમની સાથે કામ કરવું એ આપણું સૌભાગ્ય છે.
’હીરામંડી: ધ ડાયમંડ બઝાર’ આ વર્ષના અંતમાં નેટલિક્સ પર રિલીઝ થશે. તાજેતરમાં, નેટલિક્સે તેની ઇવેન્ટ ’નેક્સ્ટ ઓન નેટલિક્સ ઇન્ડિયા’માં આ શ્રેણીના પાત્રોનું પોસ્ટર રિલીઝ કર્યું. ભણસાલી તેમની ફિલ્મોના સેટ માટે જાણીતા છે. તેની ડેબ્યૂ સિરીઝમાં પણ આ વાતનું ખાસ ધ્યાન રાખવામાં આવ્યું છે. ભણસાલીએ ’હીરામંડી’ માટે ભવ્ય સેટ પણ તૈયાર કર્યો છે. આ શ્રેણી મોટા પાયે બનાવવામાં આવી છે.