ઝાલોદ,ઝાલોદ તાલુકાની ચાકલીયા પોલીસ પેટ્રોલીંગમા હતી તે દરમ્યાન બાતમી મળેલ હતી કે મધ્યપ્રદેશ થી ચાકલીયા ચેક પોસ્ટ તરફ એક બોલરો ગાડી જેનો નંબર GJ-17-CE-6274 વિદેશી દારૂનો જથ્થો ભરીને લાવી રહેલ છે. આ બોલેરો ગાડી આવતા પોલીસ દ્વારા રોકતા ડ્રાઇવર નાસી જવાની કોશિષ કરતા તેને પોલીસ દ્વારા પકડી પાડવામા આવેલ હતો. બોલરો ગાડીના ચાલક રમેશ મડીયા નીનામા ( થાંદલા, મધ્ય પ્રદેશ )ની પૂછપરછ કરી ગાડીની તપાસ કરાતા ગાડી માંથી 60,480/- નો વિદેશી દારૂ મળી આવેલ હતો. બોલેરો ગાડી જેની કિંમત 2,50,000/- થઈ કુલ 3,10,480/- રૂપિયાનો મુદ્દામાલ ઝડપી પાડવામાં ચાકલીયા પોલીસને સફળતા મળી હતી. ચાકલીયા પોલીસ દ્રારા વધુ તપાસ કરાતા આ જથ્થો પારેવા ગામના દિવાન ઈસ્માઇલ હઠીલાને ત્યાં વિદેશી દારૂ લઈ જવામાં આવનાર હતો. ચાકલીયા પોલીસ દ્વારા બંને ઈસમો પર ફરિયાદ નોંધી આગળની તપાસ હાથ ધરેલ છે.
બીજા એક બનાવમાં લીમડી પોલીસને એક જ્યુપિટર ગાડી GJ-20-BB-3871 ના ચાલક વીરકા હીરકા બારીયા ( મુનખોસલા) જે ઝાલોદ તરફ થી આવી વરોડ મુકામે જવાની માહિતી મળેલ હતી. તે ગાડી આવતા પોલીસ દ્વારા રોકવામા આવતા આ ગાડી માંથી 27,120/- નો વિદેશી દારૂ અને 30,000/-ની જ્યુપિટર ગાડી થઈ કુલ 57,120/- નો મુદ્દામાલ ઝડપી પાડવામા લીમડી પોલીસને સફળતા મળેલ હતી.