મતદાન જાગૃતિ કાર્યક્રમ- સ્વીપ એક્ટીવીટી અન્વયે કલેક્ટર કચેરી નડિયાદથી ઈપ્કોવાલા હોલ સુધી બાઈક રેલી યોજવામાં આવી.
લોકસભા સામાન્ય ચુંટણી 2024 અંતર્ગત સામાન્ય લોકોમાં મતદાન જાગૃતિ પ્રત્યે સભાનતા કેળવાય તે હેતુથી જીલ્લા ચુંટણી અધિકારી અને કલેક્ટર અમિત પ્રકાશ યાદવે કલેક્ટર કચેરી નડિયાદથી ઈપ્કોવાલા હોલ સુધી બાઈકને લીલી ઝંડી આપી પ્રસ્થાન કરાવી હતી.
આ બાઈક રેલીમાં ખેડા જીલ્લામાં અંદાજીત 250 બાઈક પર 500 શિક્ષકો દ્વારા મતદાન જાગૃતિના વિવિધ બેનરો લઈ જીલ્લાના નાગરિકો મતદાન અંગે જાગૃત કરવાનો પ્રયત્ન કર્યો હતો.
આ પ્રસંગે અધિક નિવાસી કલેક્ટર ભરત જોષી, નાયબ ચુંટણી અધિકારી કુસુમબેન પ્રજાપતિ, નડિયાદ પ્રાંત અધિકારી કલ્પેશ સુવેરા, નાયબ કલેકટર વિમલ ચૌધરી, ગ્રામ્ય અને સીટી મામતલતદારઓ, ચુટંણી વિભાગના અન્ય અધિકારીઓ, કર્મચારીઓ અને શિક્ષકો જોડાયા હતા.