લુણાવાડા,બોર પ્રાથમિક શાળા તા. વીરપુર, જીલ્લો- મહીસાગર ખાતે 28મી ફેબ્રુઆરી રાષ્ટ્રીય વિજ્ઞાન દિવસની ઉજવણી કરવામાં આવી. જેમાં શાળાના બાળકો દ્વારા વિવિધ કૃતિઓ રજૂ કરવામાં આવી હતી. સાથે ગણિત વિજ્ઞાનના શિક્ષક જીગ્નેશભાઈ દ્વારા અને સમગ્ર સ્ટાફ દ્વારા ખૂબ સુંદર માર્ગદર્શન આપી બાળકોને તૈયાર કરેલ હતા અને બાળકો દ્વારા તૈયાર કરેલ તમામ કૃતિઓનું પ્રદર્શન શાળા ખાતે રાખવામાં આવેલ હતું. જેમાં શાળાના તમામ બાળકોએ ભાગ લીધેલ હતો. બાદ શાળા ખાતે ક્વિઝ સ્પર્ધાનું આયોજન કરવામાં આવેલ હતું. જેમાં ધોરણ મુજબ ટીમ બનાવી, સ્પર્ધા યોજવામાં આવી હતી. આમ, આજનો દિવસ બાળકો ખૂબ આનંદદાયક રીતે વિજ્ઞાન દિવસની ઉજવણી કરી ઉજવ્યો હતો.