મધ્યપ્રદેશ: લોક્સભા ચૂંટણી પહેલા કેન્દ્રીય ગૃહમંત્રી અમિત શાહ આજે મધ્યપ્રદેશના પ્રવાસે છે. ગૃહમંત્રી અમિત શાહ આજે મધ્યપ્રદેશ માં લોક્સભા ચૂંટણી માટે પ્રચારની શરૂઆત કરશે.આ ઉપરાંત ગૃહમંત્રી અમિત શાહ મધ્યપ્રદેશ ના અધિકારીઓ સાથે મુલાકાત કરશે અને લોક્સભા ચૂંટણીમાં જીતનો મંત્ર પણ આપશે.
અમિત શાહ ભોપાલની હોટલ આદિત્યજમાં બેઠક કરશે. ગ્વાલિયર-ચંબલ લોક્સભા મતવિસ્તારની વ્યવસ્થાપન સમિતિઓના નેતાઓ આ બેઠકમાં ભાગ લેશે. આ દરમિયાન અમિત શાહ ગ્વાલિયર, મોરેના, દતિયા અને ભીંડ લોક્સભા સીટના કાર્યર્ક્તાઓ સાથે પણ વાત કરશે. તેઓ ખજુરાહો લોક્સભા મતવિસ્તારના મેળા મેદાનમાં આયોજિત બૂથ સ્તરીય સંમેલનને પણ સંબોધિત કરશે.
પ્રદેશ અધ્યક્ષ વિષ્ણુદત્ત શર્માએ કહ્યું કે, પાર્ટીના કાર્યકરો અમિત શાહની મુલાકાતને લઈને ઉત્સાહિત છે. ૨૦૨૩માં જોરદાર જીત મળી હતી, હવે અમિત શાહ લોક્સભા ચૂંટણીમાં ઐતિહાસિક જીતનો મંત્ર આપશે.
અમિત શાહ તેમના મધ્યપ્રદેશ પ્રવાસ દરમિયાન ભોપાલમાં કુશાભાઉ ઠાકરે ઓડિટોરિયમ ખાતે જ્ઞાન સંમેલનમાં હાજરી આપશે. તે લાભાર્થીઓના પરિવારો સાથે પણ વાત કરશે. આ દરમિયાન ગૃહમંત્રી અમિત શાહ ભોપાલમાં કુશાભાઉ ઠાકરે ઇન્ટરનેશનલ કન્વેન્શન સેન્ટરમાં સ્વર્ગસ્થ કુશાભાઉ ઠાકરેની પ્રતિમાનું અનાવરણ કરશે.