મુંબઈ, ફિલ્મ અભિનેત્રી વિદ્યા બાલનના નામથી છેતરપિંડીને લગતી એક ઘટના સામે આવી છે. કોઈ અજ્ઞાત વ્યક્તિએ અભિનેત્રીના નામથી ફેક ઈન્સ્ટાગ્રામ અકાઉન્ટ બનાવી લોકો પાસેથી પૈસા માંગ્યા હતા. અભિનેત્રીને આ અંગે જાણ થતા તેણે આ અજ્ઞાત વ્યક્તિ સામે કાયદેસરના પગલાં ભર્યાં છે અને મુંબઈ પોલિસ સ્ટેશનમાં પોલીસ ફરિયાદ દાખલ કરી છે.
અત્યારે મુંબઈ પોલીસ દ્વારા આ ઘટનાને લઈ ફરિયાદ નોંધી છે અને આરોપી વ્યક્તિની શોધખોળ હાથ ધરી છે. પોલીસનો દાવો છે કે અભિનેત્રીના નામથી જે વ્યક્તિ દ્વારા છેતરપિંડી આચરવામાં આવી છે તેની ટૂંક સમયમાં જ ધરપકડ કરી લેવામાં આવશે.
ફરિયાદમાં કહેવામાં આવ્યું છે કે વિદ્યા બાલનના નામથી એક વ્યક્તિએ ઈન્સ્ટાગ્રામ પર ફેક આઈડી બનાવ્યું છે. જ્યાં તે લોકો પાસેથી પૈસાની માંગ કરે છે. આ ઉપરાંત આ વ્યક્તિ વિદ્યા બાલનના નામ પર નોકરી અપાવવાના ખોટા વચન પણ આપી રહ્યો છે. મુંબઈ પોલીસે IPC ની કલમ ૬૬ હેઠળ કેસ દાખલ કર્યો છે.