ઇસ્લામાબાદ, પાકિસ્તાનમાં ચૂંટણી પૂર્ણ થયા બાદ ઈમરાન ખાનની પાર્ટી પીટીઆઈને સમર્થન કરતા સાંસદોએ વિપક્ષમાં રહેવાનો નિર્ણય કર્યો છે. ઈમરાન ખાન જેલમાં જવાના કારણે તેમની પાર્ટી પાકિસ્તાન તહરીક-એ-ઈન્સાફને ચૂંટણીમાં ભાગ લેવાની મંજૂરી આપવામાં આવી ન હતી.
આવી સ્થિતિમાં પીટીઆઈના લોકોએ અપક્ષ ઉમેદવાર તરીકે ચૂંટણી લડી હતી. આ અપક્ષ સાંસદો સૌથી વધુ બેઠકો જીતવામાં સફળ રહ્યા હતા.
પાકિસ્તાનની ચૂંટણીમાં કોઈપણ પક્ષને સ્પષ્ટ બહુમતી મળી નથી. તેઓ કોઈપણ પક્ષનો ભાગ ન હોવાથી આ અપક્ષ સાંસદો સરકાર રચવાનો દાવો પણ કરી શક્તા નથી. આવી સ્થિતિમાં સાંસદોએ વિપક્ષમાં રહેવાનો નિર્ણય લીધો છે. આ સાથે પીટીઆઈએ ચૂંટણીમાં કથિત ધાંધલ-ધમાલ સામે દેશભરમાં વિરોધ પ્રદર્શન કરવાનો નિર્ણય લીધો છે.
પાકિસ્તાન તહરીક-એ-ઈન્સાફના નેતા બેરિસ્ટર મોહમ્મદ અલી સૈફે જણાવ્યું હતું કે, અમે વિપક્ષમાં બેસવાનો નિર્ણય કર્યો છે. જો કે, જો અમને મળેલા મતોની સંખ્યા અનુસાર બેઠકો આપવામાં આવી હોત અને પરિણામો બદલાયા ન હોત, તો અમે ૧૮૦ બેઠકો પર પહોંચી ગયા. અમે સાથે સરકારમાં હોત. અમારી પાસે પુરાવા છે કે અમારા ઉમેદવારો જીત્યા હતા. આ સાથે પીટીઆઈએ ઉત્તર પંજાબમાં એવા સ્થળોની જાહેરાત કરી છે જ્યાં તેના નેતાઓ વિરોધ કરશે.
મોહમ્મદ અલી સૈફે પણ ચૂંટણી ધાંધિયામાં અમેરિકાના હસ્તક્ષેપની માંગ કરી છે. તેમણે કહ્યું, અમેરિકા આખી દુનિયામાં લોકશાહીનો અવાજ હોવાની વાત કરે છે, પરંતુ અમેરિકા અને યુરોપ બંનેએ પાકિસ્તાનની ચૂંટણીમાં ધાંધલ ધમાલ પર મૌન જાળવી રાખ્યું છે.
પાકિસ્તાન મુસ્લિમ લીગ-નવાઝ અને પાકિસ્તાન પીપલ્સ પાર્ટી પાકિસ્તાનમાં ગઠબંધન સરકાર બનાવવા માટે તૈયાર છે. આ સરકારમાં શાહબાઝ શરીફ વડાપ્રધાન અને આસિફ અલી ઝરદારી રાષ્ટ્રપતિ બની શકે છે. પાકિસ્તાનના ચૂંટણી પંચના જણાવ્યા અનુસાર, પીટીઆઈ દ્વારા સમથત અપક્ષ ઉમેદવારોએ ૯૩ બેઠકો જીતી છે. ઁસ્ન્-દ્ગએ ૭૫ અને પાકિસ્તાન પીપલ્સ પાર્ટીએ ૫૪ સીટો જીતી છે.