ઇસ્લામાબાદ, એક વરિષ્ઠ પાકિસ્તાની અમલદારે શનિવારે આક્ષેપ કર્યો હતો કે મુખ્ય ચૂંટણી કમિશનર અને મુખ્ય ન્યાયાધીશ તાજેતરની ચૂંટણીઓમાં હેરાફેરીમાં સામેલ હતા. આ તમામ ગેરરીતિઓની જવાબદારી લેતા તેમણે પોતાના પદ પરથી રાજીનામું આપી દીધું હતું. રાવલપિંડીના ભૂતપૂર્વ કમિશનર લિયાક્ત અલી ચટ્ટાની ટિપ્પણી એવા સમયે આવી છે જ્યારે જેલમાં બંધ ભૂતપૂર્વ વડા પ્રધાન ઈમરાન ખાનની પાકિસ્તાન તહરીક-એ-ઈન્સાફ પાર્ટીએ ફેબ્રુઆરી ૮ની ચૂંટણીમાં કથિત ધાંધલધમાલ અને તેના જનાદેશની ચોરી સામે રાષ્ટ્રવ્યાપી વિરોધનું આહ્વાન કર્યું હતું.
રાવલપિંડી ક્રિકેટ સ્ટેડિયમમાં પત્રકારો સાથે વાત કરતા લિયાક્ત અલી ચટ્ટાએ કહ્યું કે ચૂંટણીમાં હારેલા ઉમેદવારોને વિજયી બનાવવામાં આવ્યા છે. ડોન અખબારે તેમને ટાંકીને કહ્યું કે હું આ તમામ ગેરરીતિની જવાબદારી લઈ રહ્યો છું અને કહું છું કે મુખ્ય ચૂંટણી કમિશનર અને મુખ્ય ન્યાયાધીશ પણ આમાં સંપૂર્ણ રીતે સામેલ છે.
ભૂતપૂર્વ કમિશનર લિયાક્ત અલીએ ચૂંટણી પરિણામોમાં છેડછાડની જવાબદારી સ્વીકારીને તેમના કાર્યાલયમાંથી રાજીનામું આપી દીધું હતું. તેમણે કહ્યું કે આ કૃત્ય દેશની પીઠમાં છરા ના ઘા મારવા બરાબર છે, જે મને રાતે ઊંઘવા નથી દેતા. તેમણે કહ્યું કે મને જે અન્યાય થયો છે તેની સજા મને મળવી જોઈએ. આ અન્યાયમાં સામેલ અન્ય લોકોને પણ સજા થવી જોઈએ.
ભૂતપૂર્વ અમલદારે કહ્યું કે તે એટલી હદે દબાણમાં હતો કે પહેલા આત્મહત્યા કરવાનું વિચાર્યું પરંતુ પછી તેમણે આ કેસોને લોકો સમક્ષ રજૂ કરવાનું નક્કી કર્યું. તેમણે કહ્યું કે સમગ્ર નોકરશાહીને મારી વિનંતી છે કે આ તમામ રાજકારણીઓનું કંઈ ખોટું ન કરો. દરમિયાન, પાકિસ્તાનના ચૂંટણી પંચ એ મુખ્ય ચૂંટણી કમિશનર વિરુદ્ધ ચટ્ટા દ્વારા લગાવવામાં આવેલા આરોપોને સખત રીતે નકારી કાઢ્યા છે.
ગેરરીતિ કરીને જીતનાર ભાગ્યજે કોઇ નેતાનું આવી રીતે જમીર જાગે છે. નેતાએ કહયું કે આવી રીતે ખોટું કરીને દગો કરીને મારે જીત જોઇતી નથી. નેતાએ એ પણ કબલ્યું હતું કે મારા કરતા મારા પ્રતિસ્પર્ધીના મતો વધારે થતા હતા. તેમ છતાં મતોની હેરાફેરી કરીને મને જીતાડી દેવામાં આવ્યો તે દુખદ છે. પ્રાપ્ત માહિતી અનુસાર જીત્યા પછી રાજીનામુ આપનારા નેતાનું નામ જમીયત એ ઇસ્લામી પક્ષના હાફિઝ નઇમ છે.
હાફિઝ નઇમને પ્રાંતિય વિધાનસભાની એક સીટ પીએસ ૧૨૯ પર પોતાના વિરોધી માટે છોડી દીધી છે.આ વિધાનસભા બેઠકનો કરાંચીમાં સમાવેશ થાય છે.નેતાએ એવી પણ કબુલાત કરી હતી કે પોતાને ૨૬૦૦૦ જયારે જીતના હકકદાર એવા ઇમરાનખાનના પક્ષના ઉમેદવારને ૩૧૦૦૦ મતો મળ્યા હતા. મતોમાં એવો ગોટાળો થયો કે હરિફના માત્ર ૧૧૦૦૦ મત ગણવામાં આવ્યા હતા. હાફિઝ નઇમની આ કબુલાતે પાકિસ્તાનમાં ચુંટણી યોજતા ચુંટણી તંત્રની પોલ ખોલી નાખી છે. ચુંટણી પ્રચાર અને મતદાન જવા દો મત ગણતરી પણ પ્રમાણિક્તાથી થતી નથી.