બાલાસીનોર, બાલાસિનોર આર્ટ્સ એન્ડ કોમર્સ કોલેજમાં અનુસ્નાતક વિભાગમાં 2023 માં અંગ્રેજી વિષયમાં એમ. એ કરનાર માછી વત્સકુમાર મહેશભાઈને ગોલ્ડ મેડલ પ્રાપ્ત થયેલો છે. તેવી જ રીતે હિન્દી વિષયમાં ગોલ્ડ મેડલ પ્રાપ્ત કરનાર ઠાકોર અંજનાબેન એ તેમને પણ સૌથી વધારે ગુણાંક પ્રાપ્ત થતાં જ ગોલ્ડ મેડલ પ્રાપ્ત થયો છે. તેમજ સંસ્કૃત વિષયમાં સૌથી વધારે ગુણાંક મેળવનાર બારીયા અશ્વિનકુમારને પણ ગોલ્ડ મેડલ પ્રાપ્ત થયો છે. આ ત્રણેય વિદ્યાર્થીઓ ખૂબ જ નિયમિત અને સતત અભ્યાસ કરતા હોવાના કારણે બાલાસિનોર કોલેજનું ગૌરવ વધાર્યું છે. બાલાસિનોર કોલેજના પ્રિન્સિપાલ ડોક્ટર દિનેશભાઈ માછી તેમજ સમગ્ર સ્ટાપે આ ત્રણેય વિદ્યાર્થીઓને ખુબ ખુબ અભિનંદન તેમજ શુભેચ્છાઓ પાઠવી છે. બાલાસિનોર વિદ્યા મંડળ એ પણ આ ત્રણેય વિદ્યાર્થીઓને ખૂબ ખૂબ અભિનંદન અને શુભેચ્છાઓ પાઠવી છે. બાલાસિનોર કોલેજમાં દર વર્ષે વિદ્યાર્થીઓ ગોલ્ડ મેડલ પ્રાપ્ત કરે છે. જેનો યસ સમગ્ર સ્ટાફને જાય છે.