અમેરિકાના રાષ્ટ્રપતિ ડોનાલ્ડ ટ્રમ્પે તેના ડેમોક્રેટિક પાર્ટીના પ્રતિસ્પર્ધી ઉમેદવાર જો બિડેનની માસ્ક પહેરવાની સ્ટાઈલની હાંસી ઉડાવી છે. જો બિડેન તેમના પ્રચાર દરમિયાન સ્પીચ આપતી વખતે માસ્કને એક કાન પર લટકાવીને રાખતા હોવાથી ટ્રમ્પે તેમની હાંસી ઉડાવી છે.
પેનિસિલ્વેનિયા ખાતે રેલીને સંબોધતા ટ્રમ્પે જો બિડેનને લઈને આ ટિપ્પણી કરી હતી. ટ્રમ્પે કહૃાું કે શું તમે ક્યારેય કોઈ માણસને જોયો છે જે માસ્કને પોતાના જેટલું જ ચાહે છે. તે માસ્કને લટકાવીને રાખે છે કારણ કે તેમને લાગે છે કે આનાથી તેઓ સુરક્ષિત છે.
જો હું કોઈ મનોચિકિત્સક હોત તો હું આ વ્યક્તિને કહી શકત કે તમારી સાથે કોઈ મોટી સમસ્યા છે. લટકાવી રાખોપલકટાવી રાખો.
ટ્રમ્પે રેલીને સંબોધતા જણાવ્યું હતું કે, માસ્ક પહેરવું જરૂરી છે. લેબર ડેની સાપ્તાહિક રજાઓ નજીકમાં હોવાથી માસ્કથી મોં કવર કરવું જરૂરી છે. નિષ્ણાતોએ પણ ચેતવણી આપી છે કે નાગરિકોએ માસ્ક પહેરવામાં ચોક્કસ બનવું પડશે નહીં તો નવા કોરોના વાયરસના કેસોનો વિસ્ફોટ થઈ શકે છે.