બોલિવૂડના દબંગ ખાન એટલે કે સલમાન ખાન જેટલા દબંગ છે એટલા દિલદાર પણ છે. એક્ટરના જબરજસ્ત ફેન ફોલોઇંગ છે અને એક્ટર એના ફેન્સનું ખૂબ ધ્યાન રાખે છે. સલમાન સોશિયલ વર્ક માટે પણ જાણીતો છે. ફિલ્મ Wanted ના ડાયલોગમાં બોલે છે કે એક બાર જો મૈંને કમિટમેન્ટ કર દી ફીર તો મૈં અપને આપ કી ભી નહીં સુનતા. આમ રિયલ લાઇફમાં પણ સલમાન ખાન આ વચન પૂરું કરે છે. સલમાન ખાન એના અંદાજથી હંમેશા ફેન્સનું દિલ જીતી લેતા હોય છે. જો કે હાલમાં સલમાન ખાનની એક તસવીર ખૂબ વાયરલ થઇ રહી છે.
આટલું જ નહીં સલમાન ખાન હાલમાં એના 9 વર્ષ જૂના ફેન જગનબીરને મળ્યા, જેને 9 રાઉન્ડની કિમોથેરાપી પછી કેન્સર સામે જંગ જીતી લીધી છે. વર્ષ 2018માં સલમાન ખાનની પહેલી મુલાકાત જગનબીરથી મુંબઇથી ટાટા મેમોરિયલ સેન્ટરમાં થઇ હતી, જ્યાં 4 વર્ષના બાળકના ટ્યૂમરની કિમોથેરાપી ચાલી રહી હતી. સલમાને જગનબીર સાથે વચન કર્યુ હતુ કે હું તમને ત્યારે મળીશ જ્યારે તુ કેન્સર સામે જંગ જીતી જઇશ. ત્યારબાદ વચનથી જગનબીરને હિંમત મળી અને પડકારનો સામનો કરવાની પ્રેરણા મળી.
જગનબીરે કેન્સર સામે જીત હાંસિલ કરી અને ડિસેમ્બર 2023માં સલમાનના બાન્દ્રા સ્થિત આવાસ પર એમની સાથે મુલાકાત કરી અને જગનબીરની સારવાર સમયે પડતી મુશ્કેલીઓ સાંભળી અને પછી આ વચન પૂરું કર્યુ. આ વાત સામે આવી તો ખૂબ ઝડપથી આ તસવીર વાયરલ થઇ રહી છે જેમાં જગનબીરને હોસ્પિટલમાં મળ્યા હતા. ફેન્સે સલમાન ખાનના ખૂબ વખાણ કરી રહ્યા છે. આમ, એક ફેને ખૂબ પ્રેમ લૂંટાવીને કહ્યું કે સલમાન કા દિલ સોને કા હૈ. આ રીતે કોમેન્ટ્સથી સોશિયલ મિડીયા જાણે ભરાઇ ગયુ હોય એમ લાગી રહ્યુ છે.
ઉલ્લેખનીય છે કે વર્ષ 2023માં સલમાન ખાનની અનેક ફિલ્મો રિલીઝ થઇ. ક્યારેક દિવાળી તો ક્યારેક ટાઇગર 3 એ બોક્સ ઓફિસ પર તગડી કમાણી કરી. ફિલ્મની કમાણીએ લોકોનું ખૂબ ધ્યાન ખેંચ્યુ. ટાઇગર 3માં સલમાન ખાનની દમદાર એક્ટિંગ પણ જોવા મળી. સલમાન ખાન એના અંદાજથી લોકોનું દિલ જીતી રહ્યા છે. કેટરીના સાથે એની જોડી લોકોને ખૂબ પસંદ પડી રહી છે. આ દિવસોમાં સલમાન ખાન હોસ્ટ ટીવી શો બિગ બોસ 17માં નજરે પડી રહ્યા છે.