બોલિવૂડ સુપરસ્ટાર અજય દેવગણ અને આર માધવનની સુપરનેચરલ થ્રિલર ફિલ્મ ’શૈતાન’નું ટીઝર રિલીઝ થઈ ગયું છે. ટીઝરની શરૂઆત આર માધવનના ડરામણા અવાજથી થાય છે, જેને સાંભળીને તમે પણ ફિલ્મ જોવા આતુર થઈ જશો. ટીઝર જોઇને ચાહકોનું કહેવું છે કે આ ૨૦૨૪ની બ્લોકબસ્ટર ફિલ્મ બનવા જઈ રહી છે.શૈતાનનું ઓફિશિયલ ટીઝર શેર કરતી વખતે કેપ્શનમાં લખ્યું હતું, તે તમને પૂછશે… આ એક રમત છે, શું તમે રમશો? પરંતુ તેણી વાતોમાં ન આવતા.શૈતાન ટીઝર રીલીઝ, ફિલ્મ ૮ માર્ચે સિનેમાઘરોમાં રિલીઝ થશે.
અજય દેવગણ, આર માધવન અને જ્યોતિકાની ફિલ્મ આ વર્ષે ૮ માર્ચે રિલીઝ થશે. ફિલ્મના નિર્માતા અજય દેવગણ પોતે છે અને તેના નિર્દેશક વિકાસ બહલ છે. ફિલ્મનું ટીઝર જોયા બાદ લોકો જોરદાર કોમેન્ટ કરી રહ્યા છે. એકે લખ્યું – ન તો કોઈ તલવાર કે ન કોઈ બંદૂક.. આ વખતે દેવગન શૈતાનનો નાશ કરવા માટે પૂરતો છે. એકે કહ્યું- ભાઈ, આ ગુજરાતી ફિલ્મ વશની રિમેક છે. એકે લખ્યું- સુપરસ્ટાર અજય દેવગનનું શૈતાન ટીઝર અદ્ભુત છે. એકે લખ્યું શૈતાનની દુષ્ટ શરૂઆત. એકે લખ્યું- ફિલ્મ બ્લોકબસ્ટર છે.
’કૈથી’ અને ’દ્રશ્યમ’ની રિમેક બાદ અજય દેવગણ ગુજરાતી ફિલ્મ ’વશ’ની રિમેકમાં નજર આવશે. ફિલ્મ ’વશ’ એક સાયકોથ્રિલર કેટેગરીની છે જે હવે હિન્દીમાં રિલીઝ થશે. આ આગામી ફિલ્મમાં આર માધવન પણ પહેલીવાર અજય દેવગણ સાથે જોવા મળશે. ફિલ્મ જોવા માટે દરેક ગુજરાતીઓ પણ ખૂબ ઉત્સુક છે.
ગુજરાતી ફિલ્મ ‘વશ’માં હિતેન કુમાર, હિતૂ કનોડિયા, જાનકી બોડીવાલા, નિલમ પંચાલ અને આર્યન સંઘવી જોવા મળ્યા હતા. હવે તેણી હિન્દી રિમેક ફિલ્મમાં બોલીવુડ એક્ટર અજય દેવગણ, આર.માધવન અને સાઉથ ઇન્ડસ્ટ્રીની હિરોઈન જ્યોતિકા જોવા મળશે.