સુરત.
“અશફાકુલ્લા્હખાન ઉર્દૂ પ્રા. શાળા દ્વારા શૈક્ષણિક મુલાકાત યોજાઇ” આજ રોજ આઝાદ નગર,ભટાર સુરત ખાતે આવેલ અશફાકુલ્લાહખાન ઉર્દૂ પ્રાથમિક શાળા દ્વારા બાયોડાયવર સીટી પાર્કની શૈક્ષણિક મુલાકાત યોજાઇ હતી.
શિક્ષણની સાથે સાથે બાળકોના સર્વાંગી વિકાસને ધ્યાને રાખી
શાળાના આચાર્યશ્રીના માર્ગદર્શન હેઠળ તથા શિક્ષકોની હાજરીમાં બાળકોને અત્રેના પાર્કની મુલાકાત લઇ બાળકોને વિવિધ ફૂલછોડ વિશે રસપ્રદ માહિતી અપાઇ હતી. સાથે સાથે બાળકોએ હિંચકા અને લપસણી દ્વારા ભરપૂર આનંદ મેળવ્યો હતો.
સાથે સાથે બાળકોને એ.ટી.એમ. સેન્ટરની પ્રત્યક્ષ મુલાકાત દ્વારા જરુરી માહિતી અપાઇ હતી. છેલ્લે કિરાણા સ્ટોરની મુલાકાત લઇ ત્યાં મળતા માલ-સામાનની ઉપયોગી માહિતીથી બાળકોને અવગત કરાયા હતા.
શૈક્ષણિક મુલાકાત પછી શાળામાં પરત ફરતા આચાર્યશ્રી દ્વારા બાળકો સાથે શૈક્ષણિક મુલાકાત સંવાદ યોજાયો હતો જેમાં બાળકોએ મેળવેલ શૈક્ષણિક મુલાકાતની ઝાંખી કરાવી હતી.