પાલનપુર, બનાસકાંઠા જિલ્લામાં વધુ એક કૌભાંડ સામે આવે એવી સંભાવનાઓ સર્જાઈ છે. પાલનપુરમાં શૌચાલય યોજનાના લાભાર્થીઓને ટેકનિકલ આસિસ્ટન્ટના નિરીક્ષણ અને સહી વિના જ પૈસા ચૂકવવામાં આવ્યા છે. આમ બારોબાર જ ચૂકવણાને લઈ કૌભાંડની આશંકા સર્જાઈ છે. આ અંગે ટેકનિકલ આસિસ્ટન્ટે તાલુકા વિકાસ અધિકારી અને બ્લોક કોડનેટર અને હિસાબી અધિકારીને પત્ર લખ્યો છે.
ટેક્નિકલ આસિસ્ટન્ટે પત્ર લખીને વર્ષ ૨૦૨૨ બાદના ચૂકવણાં અંગે મારી કોઈ જ જવાબદારી નહીં હોવાની જાણકારી આપી છે. પત્રમાં લખ્યુ છે કે, આ અંગે અનેકવાર મૌખિક રજૂઆત બાદ પણ જવાબ મળેલ નથી આમ હવે તેઓની પોતાની કોઈ જવાબદારી રહેશે નહીં.