નવીદિલ્હી, ઈન્ડિયન સ્પેસ રિસર્ચ ઓર્ગેનાઈઝેશન (ઈસરો)ના અધ્યક્ષ એસ સોમનાથે જણાવ્યું હતું કે ભારત તેની હાલની ક્ષમતાઓનો ઉપયોગ કરીને ૨૦૨૮ સુધીમાં પ્રથમ ભારતીય સ્પેસ સ્ટેશન સ્થાપવા માગે છે. તેઓ ૧૦મી વાઈબ્રન્ટ ગુજરાત ગ્લોબલ સમિટ અંતર્ગત ઈન્ટરનેશનલ સ્પેસ સ્ટેશનના સંદર્ભમાં આયોજિત સેમિનારને સંબોધિત કરી રહ્યા હતા. જેમાં આ સમગ્ર બાબત અંગે વાત કરી હતી.
તેમણે કહ્યું કે અમે અમારી હાલની પ્રક્ષેપણ ક્ષમતાઓનો ઉપયોગ કરીને ૨૦૨૮ સુધીમાં પ્રથમ ભારતીય સ્પેસ સ્ટેશન સ્થાપિત કરીશું અને અમે તેને પ્રયોગશાળામાં રૂપાંતરિત કરવા માંગીએ છીએ જ્યાં તમે આવીને પ્રયોગ કરી શકો.
ઇસરોના વડાએ કહ્યું કે તેની સ્થાપના પછી,ISRO એવી કંપનીઓ અને સંસ્થાઓની ઓળખ કરશે જે ભારતીય સ્પેસ સ્ટેશનનો ઉપયોગ કરી શકશે અને તેના દ્વારા આર્થિક પ્રવૃત્તિઓ હાથ ધરશે. સોમનાથે કહ્યું કે તે માને છે કે આ શક્ય છે.
સોમનાથે કહ્યું કે ચંદ્ર પર પહોંચનારા માનવીઓ પર પણ આર્થિક અસર પડશે કારણ કે ભવિષ્યમાં પૃથ્વીની આસપાસ વ્યૂહાત્મક પ્રવૃત્તિઓ નહીં થશે. તેમણે કહ્યું કે ઉદ્યોગોએ પૃથ્વી પર વિવિધ કાર્યો માટે આગામી ૫ થી ૧૦ વર્ષમાં સેંકડો અવકાશયાન બનાવવા પડશે.
ૃૃૃૃૃૃૃૃૃૃૃૃૃ