સંંતરામપુર, ગુજરાત શૈક્ષણિક સંશોધન અને તાલીમ પરિષદ ગાંધીનગર પ્રેરિત જીલ્લા શિક્ષણ અને તાલીમ ભવન કઠલાલ દ્વારા ડાયટ, ગ્રાન્ટેડ સંસ્થાઓના ડી.એલ.એડ અને બી.એડના તાલીમાર્થીઓનો મધ્ય ગુજરાત ઝોન કક્ષાનો રમતોઉત્સવ વર્ષ 2023-2024નો કાર્યક્રમ નડિયાદ સ્પોર્ટ્સ કોમલેક્સ ખાતે રાખવામાં આવ્યો હતો. જેમાં જીલ્લા શિક્ષણ અને તાલિમ ભવન સંતરામપુરના તાલીમાર્થીઓએ, લાંબી કુદ, ગોળા ફેક, દોડ, વોલીબોલ, યોગાસન જેવી વિવિધ રમતોમાં ભાગ લીધો હતો. તેઓ નડિયાદ સ્પોર્ટ્સ કોમ્પ્લેક્ષ ખાતે યોજાયેલા રમતોત્સવમાં 100 મીટર દોડમાં ડામોર પ્રવીણ અને ટેબલ ટેનિસમાં પરમાર નિરવ પ્રથમ નંબર યોગાસનમાં પારગી દિનેશ, દ્વિતીય નંબર અને વોલીબોલમાં તૃતિય નંબર સાથે ભવ્ય વિજય મેળવ્યો હતો. જેથી તેમને જીલ્લા ક્ધવીનર બિપીનચંદ્ર ચુનારા અને ડાયટ કઠલાલ પ્રાચાર્ય કલ્પેશ પટેલ દ્વારા તાલીમાર્થી ઓને ટ્રોફી, એવોર્ડ, મેડલ, પ્રમાણપત્ર આપવામાં આવ્યા હતા. ડાયટના તાલીમાર્થીઓનો ભવ્ય વિજય થતા તેઓ ગૌરવની લાગણી અનુભવી હતી. ત્યારે સંતરામપુર ડાયટના પ્રાચાર્ય કે.ટી.પોરાણીયા, સિનિયર લેક્ચરર ડો.હર્ષદભાઈ પટેલ સહિત ડાયટ પરિવારે તેમને અભિનંદન પાઠવ્યા હતા. આ સાથે તાલીમાર્થીઓ પોતાના જીવનમાં ખૂબ પ્રગતિ કરે તેવી શુભકામનાઓ પાઠવી હતી.