લુણાવાડા, મહીસાગર જીલ્લા મહેસૂલી કર્મચારી મંડળ દ્વારા મહીસાગર જીલ્લામાં ક્રિકેટ ટુર્નામેન્ટનું આયોજન કરવામાં આવ્યું હતું. આ ટુર્નામેન્ટમાં કલેકટર કચેરી સહિત મામલતદાર કચેરી પ્રાંત કચેરી એમ કુલ 10 ટીમો દ્વારા ભાગ લેવામાં આવ્યો હતો અને મહીસાગર જીલ્લાના ત્રણ ગ્રાઉન્ડ નગર પાલિકા ક્રિકેટ ગ્રાઉન્ડ લુણાવાડા કડાણા ખાતે દીવડા ગ્રાઉન્ડ અને નગર પાલિકા બાલાસિનોરનું જનસાથી ક્રિકેટ ગ્રાઉન્ડમાં આયોજન કરવામાં આવ્યું હતું. તારીખ 5-1-2024ના રોજ ફાઈનલ મેચ દીવડા ગ્રાઉન્ડ ખાતે કલેકટર કચેરી અને સંતરામપુર મામલતદાર કચેરી વચ્ચે રમાઈ હતી. જેમાં કલેક્ટર કચેરીની ટીમ કલેકટર સુપર કિંગ્સનો એક વિકેટે વિજય થયો હતો. ફાઇનલ મેચમાં નિવાસી અધિક કલેક્ટર સી.વી.લટા તથા સબ ડિવિઝન મેજીસ્ટ્રેટ સી.વી.પટેલ મામલતદાર કડાણા ખાંટ તથા મામલતદાર સંતરામપુર પઠાણ હાજર રહ્યા હતા. સદર મેચમાં ખેલાડી સિવાય રેવન્યુ કર્મચારીઓ પણ બહોળા પ્રમાણમાં હાજર રહ્યા હતા. આ ટુર્નામેન્ટ ઓફિસ સમય પહેલા રમાડવામાં આવતી હતી અને ત્યારબાદ કર્મચારીઓ પોતાના કામમાં ઓફિસ ખાતે ફરજ બજાવતા હતા. અંતિમ મેચમાં નિવાસી અધિક કલેકટર દ્વારા આવી ટુર્નામેન્ટ નિયમિત યોજાતી રહે તથા કર્મચારીઓ પોતાના સ્વાસ્થ્ય માટે સદાય સચેત રહે તેમ જણાવ્યું હતું અને તેમના દ્વારા વિજેતા ટીમના કેપ્ટન સુનિલભાઈ સંગાડા અને તેઓના ખેલાડીઓને ટ્રોફી એનાયત કરી હતી તથા ઉપવિજેતા સંતરામપુર સ્પાર્ટન ટીમના કેપ્ટન કલ્પેશભાઈ પટેલને પણ ટ્રોફી આપવામાં આવી હતી. આ સમગ્ર ટુર્નામેન્ટનું આયોજન મહેસુલી મંડળના પ્રમુખ અજયસિંહ વાઘેલા તથા ઇન્ચાર્જ ચીટનીશ સુનિલભાઈ સંગાડા ની રાહબરી હેઠળ કરવામાં આવ્યું હતું.