મહીસાગર, સીનીયર સીટીજન રમત સ્પર્ધા 2023-24માં ભાગ લેવા અંગે ગુજરાત સરકાર દ્વારા ચાલુ વર્ષ 2023-24 દરમિયાન સીનીયર સીટીજન સ્પર્ધાનું આયોજન હાથ ધરવામાં આવેલ છે. જે મહોત્સવ અંતર્ગત સ્પોર્ટ્સ ઓથોરીટી ઓફ ગુજરાત ગાંધીનગર દ્વારા આયોજીત અને જીલ્લા રમતગમત અધિકારી, મહીસાગર સંચાલીત ચાલુ વર્ષે પણ 60 વર્ષ થી ઉપરના સીનીયર સીટીઝન (ભાઇઓ/બહેનો) માટે વોલીબોલ, યોગાસન, ચેસ, કેરમ, રસ્સાખેંચ તથા એથ્લેટીક્સ સ્પર્ધાઓનું આયોજન કરવામાં આવનાર છે,
જેમાં ભાગ લેવા ઇચ્છતા સિનિયર સીટીઝન ભાઇઓ/બહેનોએ નિયત નમુનાનુ પ્રવેશપત્ર જીલ્લા રમતગમત અધિકારીની કચેરી મહીસાગર, ભાદર કોલોની પાછળ, રૂમ નંબર- 212, બીજે માળ, કલેકટર કચેરી, લુણાવાડા ખાતે થી મેળવી તા.15/01/2024 સુધીમા સંપુર્ણ વિગત સાથે મોકલી આપવાનું રહેશે.
ફોર્મ સાથે ડોકટરનું ફિટનેશ સર્ટીફિકેટ તથા આધારકાર્ડ નકલ સાથે આપવાની રહેશે. સમય મર્યાદામા આવેલ પ્રવેશપત્રોના સ્પર્ધકોને વિગતવાર કાર્યક્રમ અંગેની જાણ કરવામાં આવશે જેની દરેક સ્પર્ધકે નોંધ લેવી. વધુ માહિતી માટે જીલ્લા રમત ગમત અધીકારીની કચેરીના ફોન નં- 9726889120 થી મેળવી શકાશે.