શહેરા તાલુકાના ગ્રામ્ય વિસ્તારમાં છુટો છવાયો વરસાદ પડવા સાથે ખેડૂતો ખેતીકામમાં જોતરાયા હતા. જ્યારે બિયારણ ની દુકાન ખેડૂતો બિયારણની ખરીદી કરવા માટે ઉમટી પડ્યા હતા.
શહેરા તાલુકા માં મોટાભાગના ખેડૂતો વરસાદ આધારીત ખેતી કરતા હોય છે જ્યારે ચોમાસાની સિઝન શરૂ થઇ જવા સાથે ગ્રામ્ય વિસ્તારમાં પણ છૂટો છવાયો વરસાદ પડતા ખેડૂતોમાં ખુશીનો માહોલ જોવા મળવા સાથે ખેતીકામમાં જોતરાયા હતા.ખેતર માં ખેડૂતો પોતાના સાથી મિત્ર બળદ સાથે ખેડતા નજરે પડી રહ્યા હતા.તાલુકા મથક ખાતે આવેલ બિયારણની દુકાનોમાં ખેડૂતો બિયારણ ની ખરીદી કરવા ઉમટી પડયા હતા. જ્યારે ગત વર્ષ કરતા આ વર્ષે બિયારણના ભાવમાં થોડો ઘણો વધારો થવા છતાં ખેડૂતો બિયારણ ખરીદી કરી હતી. ખેડૂતો પણ આકાશ તરફ જોઈને મેઘરાજાને મન ભરીને વરસવા માટે પ્રાર્થના કરી રહયા છે.