ધારાસભ્યના અધ્યક્ષ સ્થાને મોરવા(હ )તાલુકાના મોરા ખાતે કાર્યક્રમ યોજાયો

• 405 લોકોના સ્વાસ્થ્યની ચકાસણી તથા 05 લોકોને પ્રધાનમંત્રી ઉજ્જવલા યોજના અંતર્ગત લાભ અપાયો.

ગોધરા,પંચમહાલ જીલ્લાના મોરવા(હ)તાલુકાના મોરા ગામે વિકસિત ભારત સંકલ્પ યાત્રા પહોંચતા લોકોએ ઉમંગભેર સ્વાગત કર્યું હતું. મોરવા(હ)ના ધારાસભ્ય નિમિષાબેન સુથારના અધ્યક્ષસ્થાને કાર્યક્રમ યોજાયો હતો.

કાર્યક્રમમાં ખેતીવાડી,આરોગ્ય વિભાગ, ગ્રામ વિકાસ,મિશન મંગલમ, આઈ.સી.ડી.એસ,પી.એમ ઉજ્જવલા યોજના તેમજ સેવાસેતું અંતર્ગત સરકારના સંલગ્ન વિભાગોના સ્ટોલ લગાવીને કુલ 613 લોકોને લાભાન્વિત કરાયા હતા. જેમાં 405 લોકોના સ્વાસ્થ્યની ચકાસણી કરાઈ હતી. જ્યારે 05 લોકોને પ્રધાનમંત્રી ઉજ્જવલા યોજના, સ્વાસ્થ્ય ચકાસણી-116, ખેતીવાડી-37, પશુપાલન-97, પીએમજેજેવાય-15, સિકલ સેલ ટેસ્ટીગ-25, વિશ્વકર્મા -27, આધાર કાર્ડ -20, વારસાઈ -03, આયુષ્યમાન ભારત કાર્ડ -85,સમાજ સુરક્ષા -03, વિધવા વૃદ્ધ સહાય -02 અંતર્ગત લાભ અપાયો હતો.

મોરા ખાતે શ્યામા પ્રસાદ મુખર્જી યોજના અંતર્ગત નવીન બસ સ્ટેશન તેમજ મોરા ગ્રામ પંચાયત કચેરીનું ધારાસભ્ય નિમિષાબેન સુથારના વરદ્ હસ્તે લોકાર્પણ કરવામાં આવ્યું હતું.

કાર્યક્રમમાં જીલ્લા અગ્રણી ધવલભાઈ દેસાઈ,મોરવા(હ) એ.પી.એમ.સીના ચેરમેન હરદીપસિંહ જાદવ, મદદનીશ કમિશ્ર્નર ખોરાક અને ઔષધ વિભાગ પંચમહાલ ગોધરા, મામલતદાર ગોપાલદાસ હરદાસાની, તાલુકા વિકાસ અધિકારી ઉમેદસિંહ સોલંકી સહિત બહોળી સંખ્યામાં લોકો ઉપસ્થિત રહ્યા હતા.