નવીદિલ્હી, કોંગ્રેસ ગુરુવારે તેનો ૧૩૯મો સ્થાપના દિવસ ઉજવી રહી છે. આ અવસર પર કોંગ્રેસ અધ્યક્ષ મલ્લિકાર્જુન ખડગેએ પાર્ટી હેડક્વાર્ટરમાં પાર્ટીનો ધ્વજ લહેરાવ્યો હતો. તેમણે એમ પણ કહ્યું કે ભારતીય રાષ્ટ્રીય કોંગ્રેસનો ઉદ્દેશ્ય જન કલ્યાણ છે. આ પછી દિલ્હી કોંગ્રેસ અધ્યક્ષ અરવિંદર સિંહ લવલીનું નિવેદન પણ આવ્યું છે. તેમણે કહ્યું કે અમને ગર્વ છે કે અમે એ પાર્ટીના સભ્ય છીએ જેણે દેશની આઝાદીમાં ભૂમિકા ભજવી. ૧૮૮૫માં જ્યારે પાર્ટીની સ્થાપના થઈ ત્યારે અમે લોકશાહી માટે લડ્યા અને આજે લોકશાહી બચાવવા માટે લડી રહ્યા છીએ.
આ પહેલા કોંગ્રેસના સ્થાપના દિવસના કાર્યક્રમમાં રાહુલ ગાંધી, મહાસચિવ પ્રિયંકા ગાંધી વાડ્રા, સાંસદ રાજીવ શુક્લા, મહાસચિવ કે.સી. વેણુગોપાલ સહિત કોંગ્રેસના અનેક નેતાઓ હાજર રહ્યા હતા. ખડગેએ લખ્યું છે કે સામાજિક અધિકારો સહજ છે.” તેમણે વધુમાં કહ્યું, “અમને ગર્વ છે કે છેલ્લા ૧૩૯ વર્ષથી અમે આવા ભારતનું નિર્માણ કરવા માટે સંપૂર્ણ ઇમાનદારી સાથે સંઘર્ષ કરી રહ્યા છીએ. કોંગ્રેસના સ્થાપના દિવસના અવસર પર દરેક ભારતીયને મારી હાર્દિક શુભેચ્છાઓ. જય હિંદ. જય કોંગ્રેસ.
પાર્ટીના સભ્યોને શુભેચ્છા પાઠવતા રાહુલ ગાંધીએ એમ પણ લખ્યું કે, “સત્ય અને અહિંસા તેનો પાયો છે. પ્રેમ, ભાઈચારો, સન્માન અને સમાનતા તેના આધારસ્તંભ છે અને દેશભક્તિ તેની છત છે. મને આવા સંગઠનનો ભાગ હોવાનો ગર્વ છે. કોંગ્રેસ. સ્થાપના દિવસની તમામ નેતાઓ, અધિકારીઓ અને સમર્થકોને મારી હાર્દિક શુભેચ્છાઓ.