અમેરિકાના કેલિફોર્નિયામાં ૪.૯ની તીવ્રતાનો શક્તિશાળી ભૂકંપ અનુભવાયો હતો. લોસ એન્જલસમાં પણ ભૂકંપના આટરશોક અનુભવાયા હતા. ભૂકંપનું કેન્દ્ર બારસ્ટો નજીક હતું. આ તીવ્રતાના ભૂકંપે કેલિફોનયાના લોકોને ચિંતામાં મૂકી દીધા હતા. ભૂકંપ સમાપ્ત થયા પછી પણ લાંબા સમય સુધી આંચકા અનુભવાતા રહ્યા. અધિકારીઓ રાજ્યમાં જાનમાલના નુક્સાનની તપાસ કરી રહ્યા છે.
દેશના ભૂસ્તરશાીય સર્વે અનુસાર, ભૂકંપ સ્થાનિક સમય અનુસાર બપોરે ૧ વાગ્યે શરૂ થયો હતો અને તેનું કેન્દ્ર જમીનથી પાંચ માઈલ નીચે હતું. યુએસ ટુડેના સમાચાર અનુસાર, સેન બર્નાડગો કાઉન્ટી સિવાય લોસ એન્જલસ, કેર્ન, રિવરસાઇડ અને ઓરેન્જ કાઉન્ટીમાં ભૂકંપના આંચકા અનુભવાયા હતા, જ્યાં રિક્ટર સ્કેલ પર ભૂકંપની તીવ્રતા ૩.૫ અને ૨.૭ માપવામાં આવી હતી.
કેલિફોનયાના લોકોએ સોશિયલ મીડિયા પર ભૂકંપના વીડિયો અને ફોટા શેર કર્યા અને પોતાના અનુભવો શેર કર્યા. બાર્સ્ટો ફાયર પ્રોટેક્શન ડિસ્ટ્રિક્ટ બટાલિયનના ચીફ ટ્રેવિસ એસ્પિનોઝાએ જણાવ્યું હતું કે ભૂકંપ પછી ઇજાઓ અથવા ગંભીર સંપત્તિના નુક્સાનના કોઈ તાત્કાલિક અહેવાલો નથી. લોંગ બીચના મેયર રેક્સ રિચર્ડસને ટ્વિટર પર લખ્યું છે કે સંબંધિત રાજ્ય અધિકારીઓને ૧૨૦ માઈલ દૂર ભૂકંપની જાણ હતી. તેણે આગળ લખ્યું, અત્યાર સુધી અમારા શહેરમાં નુક્સાન કે અસરના કોઈ અહેવાલ નથી.