વર્ષ ૨૦૨૪ના ચાર મહિના વીતી ગયા છે. અત્યાર સુધી ઘણી સાઉથ ઈન્ડિયન ફિલ્મો રિલીઝ થઈ છે. તેમાંથી કેટલાકે કમાણીના તમામ રેકોર્ડ તોડી નાખ્યા અને કેટલીક ફિલ્મો ક્યારે આવી અને ક્યારે ગઈ તેની પણ ખબર ન પડી. ’યાત્રા ૨’, ’ઓપરેશન વેલેન્ટાઈન’, ’ધ ફેમિલી સ્ટાર’, ’ભીમા’ અને ’ઈગલ’ એ આ વર્ષે ફ્લોપ થયેલી ફિલ્મોમાં સામેલ છે. રિલીઝ પહેલા આ ફિલ્મો વિશે ઘણી ચર્ચા થઈ હતી, પરંતુ ટિકિટ બારી પર લોકોની ક્તારને બદલે મૌન હતું.
વરુણ તેજની એક્શન ફિલ્મ ’ઓપરેશન વેલેન્ટાઈન’ પાસેથી ચાહકોને ઘણી અપેક્ષાઓ હતી, પરંતુ તે અપેક્ષાઓ પર ખરી ઉતરી શકી નથી. માનુષી છિલ્લરે પણ આ ફિલ્મમાં મહત્વની ભૂમિકા ભજવી છે. તે ૧ માર્ચના રોજ રિલીઝ થઈ હતી. આ ફિલ્મ ટિકિટ બારી પર નિષ્ફળ સાબિત થઈ હતી.
’યાત્રા ૨’ રિલીઝ થતાની સાથે જ બોક્સ ઓફિસ પર મૌન છવાઈ ગયું હતું. ફિલ્મ ખરાબ રીતે ફ્લોપ થઈ હતી. તેના દર્શકોને તે બિલકુલ ગમ્યું ન હતું. ફિલ્મમાં મામૂટી અને જીવાએ મુખ્ય ભૂમિકા ભજવી છે. આ ફિલ્મનું નિર્દેશન માહી વી રાઘવે કર્યું છે. આ ફિલ્મ આંધ્રપ્રદેશના પૂર્વ મુખ્યમંત્રી સ્વર્ગસ્થ વાયએસ રાજશેખર રેડ્ડીના જીવન પર આધારિત છે. આ ફિલ્મ ૮ ફેબ્રુઆરી, ૨૦૨૪ના રોજ રિલીઝ થઈ હતી.
વિજય દેવરાકોંડાની ફિલ્મ ’ધ ફેમિલી સ્ટાર’ ૫૦ કરોડના બજેટમાં બની હતી. આમાં મૃણાલ ઠાકુરે પણ મુખ્ય ભૂમિકા ભજવી હતી. આ ફિલ્મની રિલીઝ પહેલા ઘણી હાઇપ હતી, પરંતુ તે બોક્સ ઓફિસ પર ફ્લોપ રહી હતી.ગોપીચંદે ’ભીમા’માં મુખ્ય ભૂમિકા ભજવી છે. તેમના સિવાય પ્રિયા ભવાની શંકર, નાસાર, નરેશ, માલવિકા શર્મા, વેનેલા કિશોર, રઘુ બાબુ, પૂર્ણા, મુકેશ તિવારી, નિહારિકા કોનિડેલા અને રોહિણીએ પણ ફિલ્મમાં કામ કર્યું છે. તે ૮ માર્ચ, ૨૦૨૪ ના રોજ રીલિઝ થયું હતું. આ થ્રિલર ફિલ્મ પાસેથી વધુ સારા અભિનયની અપેક્ષા હતી, પરંતુ તેમ થયું નહીં. દર્શકોએ તેને જોવામાં કોઈ ઉત્સાહ દર્શાવ્યો નહીં અને ફિલ્મ ફ્લોપ થઈ ગઈ.
’ઈગલ’ પણ એક એક્શન થ્રિલર ફિલ્મ છે, જેમાં રવિ તેજાએ મુખ્ય ભૂમિકા ભજવી છે. આ ફિલ્મે પણ દર્શકોનો પ્રેમ મેળવ્યો હતો. આ ફિલ્મ ૯ ફેબ્રુઆરી, ૨૦૨૪ના રોજ રિલીઝ થઈ હતી. તેનું નિર્દેશન કાર્તિક ગટ્ટામનેનીએ કર્યું હતું.